John 17:1 - Sa Ugud Apudyus

¹ Inabus ḵad Jesus imbaga da anna, nantangad ad langit woḵ ḵanana, “Ama, dummatong timpu we padayawam Abengnu ta padayawana bos siḵa.

John 17:1 Referans Kwoze

John 12:23

Ḵanan Jesus, “Saḵone Abeng Di Tagu, dummatong timpu we midayawaḵ.

Acts 3:13

Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan.

John 7:39

Siya inugud Jesus mipanggob si Ispiritu Santu we awaton da amati ḵan siya. Yaḵon daampun maatod ḵan dida te daampun mipauli'ḵ Jesus ta midayaw ad langit.

1 Peter 1:21

Mipagapu ḵan siya, antaḻgod ḵayu ḵan Apudyus we nanagu ḵasin ya nangipangatu ḵan siya. Ta sa pammatiyu ḵan namnamayu awad ḵan Apudyus.

John 11:4

Dingngoḻ ḵad Jesus ḵanana, “Sa sanate saḵit, daḵampun aḵ miḵatoy yaḵon ambanag si midayawan Apudyus ta sa Abeng Apudyus midayaw gapu'tte sanat.”

Mark 14:41

Pun ummoy ḵasin nalluwaḻu. Piḵluna ḵade nipauli, ḵanana'tta disipuluna, “Na! Ngaipa ḵayu gay sissiyae masusuyop ḵan umiillong? Sadin! Dummatong timpu we inḵoddong Apudyus we saḵone Abeng Di Tagu, mipuḻangaḵ atta ḵabasbassuḻan.

John 11:41

Pune sadi, ḵinaanda batu. Ḵanan Jesus we nantangad, “Ama, anggappiyaaḵ ḵan siḵa te dingngoḻnu saḵon.

John 8:20

Inugudna anna si nantuttuduwana'tte paway ni templo atte adani si iiggaan da atod ḵan Apudyus. Imbagan ḵad Jesus sadi, pinadas da papangat doḵmaan yaḵon adimpun Apudyus iyyunud te daampun yan dumatong mituttuwaan ni planuna ḵan Jesus.

John 7:30

Imbagan ḵad Jesus sadi, pinadas da papangat doḵmaan yaḵon adimpun Apudyus iyunud te daampun yan dumatong mituttuwaan ni planuna ḵan siya.

John 16:32

Madam-an dumatong timpu pun tuttuwae dummatong, nu mabuḵaḻ ḵayu, awad osa umoyon atte boḻoyna ya tinenanaḵe abus. Yaḵon daḵampun aḵ abusaḵ te anna'ḵ Amaḵ ḵan saḵon.

John 13:1

Madam-an ḵad Gayagayan da Judyu we ngannonda Nallausan, iniiggammun Jesus we dummatong timpu we tenana lubung ya mipauli ḵan Amana. Gapu'tte ayatna'tta taguna si lubung, ay-ayatona dida inggana'ḵ anungus.

Luke 22:53

Inaḻgawe inninggawaḵ ḵan diḵayu'tte paway ni templo we antuttudu, adiyupun saḵon dinoḵmaan. Yaḵon sinsadi, annae dummatong timpuyu we inḵoddong Apudyus ya dummatong os timpun Satan we angipangat atte giḵbot.”

Luke 18:13

“Sa andadagup ḵad atta bugis, summiḵad atte battawa woḵ adipun nantangad ad langit te mabain atta basuḻna yaḵon ḵinabḵabna baḻuḵungna te nambabawi'tta basuḻna woḵ ḵanana, ‘Apudyus, ḵadaguwanaḵ ḵappose ḵabasbassuḻan.’ ”