John 16:28 - Sa Ugud Apudyus

²⁸ Naḻpuwaḵ ḵan Amaḵ ya ummaliyaḵ si annae lubung. Sinsadi, tenaḵ annae lubung ya iyyaḵ ḵan Amaḵ.”

John 16:28 Referans Kwoze

John 13:1

Madam-an ḵad Gayagayan da Judyu we ngannonda Nallausan, iniiggammun Jesus we dummatong timpu we tenana lubung ya mipauli ḵan Amana. Gapu'tte ayatna'tta taguna si lubung, ay-ayatona dida inggana'ḵ anungus.

John 13:3

Yaḵon inigammun Jesus we impuḻang Amana ḵan siya da losan ya inigammuna bose naḻpu ḵan Apudyus ḵad mipauli bos ḵan siya.

John 8:14

Ḵanan Jesus, “Taḵon ay nu saḵon anaḵdoḻ si long-agḵu, tuttuwa ibagaḵ te igammuḵ naḻpuwaḵ ḵan ayonaḵ. Yaḵon naippun paat igammuyu nu dinu naḻpuwaḵ baḵon nu ayonaḵ.

John 16:5

Sinsadi iyyaḵ si nangibuun ḵan saḵon yaḵon naippun nan-imus ḵan diḵayu ḵanane, ‘Dinu ayam?’

John 17:5

Sinsadi Ama, mipauliyaḵ ḵan siḵa ya ipailam ḵinaapudyusḵu we isun ni nangipail-am si awe atte inninggawaḵ ḵan siḵa si daan ni lubung maḵwaan.

John 16:16

Pinagatupan Jesus we nan-ugud atta disipuluna woḵ ḵanana, “Sin-aḵitan ya adiyupun ogon ilan saḵon ḵad sin-aḵitan os ya ilanyu saḵon.”

John 14:28

Dingngoḻyu imbagaḵe iyyaḵon ya mipauliyaḵ ḵan diḵayu. Ḵad nu ayatonyu saḵon, allaylayad ḵayu oḵyan te iyyaḵ ḵan Amaḵ we nangatngatu nu saḵon.

Luke 24:51

Sissiya ḵade ambindisyun, tinenana dida woḵ nipangatu'd langit.

John 17:13

“Yaḵon sinsadi, mipauliyaḵ ḵan siḵa ḵad ibagaḵ da sana'tta tagu si annae lubung ta awad ḵan dida layadḵu we naippun kurangna.

John 17:11

Sinsadi naippunaḵ ogon si lubung te mipauliyaḵ ḵan siḵa. Yaḵon matenanda si annae lubung. Nasantuwane Ama, ḵodawoḵe ayyuwanam dida mipagapu si ḵabooḻame innatodnu ḵan saḵon ta an-ossaandae isun ni nan-ossaananta.

Luke 9:51

Madam-an ḵad mipauliyan Jesus ad langit, simsimmoḵnae umoy ad Jerusalem.

John 8:42

Ḵanan Jesus, “Nu Amayu oḵyan aḵ Apudyus, ayatonyu saḵon te naḻpuwaḵ ḵan siya ya annaaḵ sinsadi. Daḵampun aḵ ḵasomsomḵaḵ ummaliyaḵ yaḵon imbuun Apudyus saḵon.

John 16:10

Nankamalida mipanggob si naun-unaḵ te sana amanoḵnoḵ si tuttuwae naun-unanaḵe mipauli ḵan Amaḵ ya adiyupun ogon saḵon ilan.

John 16:30

Sinsadi, igammuni ye igammum da losan. Ḵad adipun ḵasapuḻane awad an-imus ḵan siḵa. Gapu'tte sana, amati ḵani ye naḻpuḵa ḵan Apudyus.”