John 16:23 - Sa Ugud Apudyus

²³ “Sa sadi ye aḻgaw, naippun ḵodawonyu ḵan saḵon. Ibagaḵ ḵan diḵayu ḵatuttuwaan, ngaimane ḵodawonyu ḵan Amaḵ mipagapu'tte ḵabooḻaḵ, ittona ḵan diḵayu.

John 16:23 Referans Kwoze

John 15:7

Nu iinggaw ḵayu ḵan saḵon ya nimuḻa ugudḵu'tta somsomoḵyu, ngaimane ḵodawonyu maatod ḵan diḵayu.

Matthew 21:22

Nu awad pammatiyu ḵan Apudyus, ittona da losane ḵodawonyu nu alluwaḻu ḵayu ḵan siya.”

Matthew 7:7

Ḵanan os Jesus, “Anḵodaḵodaw ḵayu oḵyan ḵan Apudyus woḵ ittona ḵan diḵayu. Singsingtonyu oḵyan woḵ odasanyu ya iggaiggayu oḵyane anḵugḵug woḵ mabuḵtan onob para ḵan diḵayu.

John 16:26

Ḵad nu dumatong sanae aḻgaw, anḵodaw ḵayu mipagapu'tte ḵabooḻaḵ. Daḵampun aḵ ḵanaḵe iḵdawaḵ diḵayu ḵan Amaḵ.

John 14:20

Sa sadi ye aḻgaw, igammuwonyu we awadaḵ ḵan Amaḵ ya awad ḵayu ḵan saḵon ya awadaḵ ḵan diḵayu.

Ephesians 2:18

Ḵad mipagapu ḵan Kristu, maḵwae umadani taḵu losan ḵan Apudyus we Ama taḵu te ossaan Ispiritu we iinggaw ḵan ditaḵu.

1 John 2:1

Diḵayu we abengḵu, nanuḻataḵ ḵan diḵayu ta adi ḵayu bumasuḻ. Yaḵon nu awad bumasuḻ, awad de angiyugud ḵan ditaḵu ḵan Apudyus we Ama, siya'ḵ Jesu Kristu we naun-unan.

John 14:5

Ḵanan Thomas, “Apu, naippun igammuni nu dinu ayam. Ḵad ngai inonni ye angigammu'tte daḻan?”

John 16:19

Inigammun Jesus pionda imuson ḵan siya pun ḵanana ḵan dida, “Siya ḵamman nan-asiimusanyu pioḵ ḵanan si imbagaḵe, ‘Sin-aḵitan ya adiyupun ogon ilan saḵon ḵad sin-aḵitan os ya ilanyu saḵon’?

John 16:30

Sinsadi, igammuni ye igammum da losan. Ḵad adipun ḵasapuḻane awad an-imus ḵan siḵa. Gapu'tte sana, amati ḵani ye naḻpuḵa ḵan Apudyus.”

John 14:22

Ḵanan Judas we daḵampun ḵan Judas Iscariot, “Apu, ngaipa abus ḵani'ḵ angipaigammuwam si mipanggob ḵan siḵa ya adimpun atta tagu'tte lubung?”