John 16:20 - Sa Ugud Apudyus

²⁰ Ibagaḵ ḵan diḵayu ḵatuttuwaan, umibil ya andomdom ḵayu yaḵon anggangganas da tagu we adipun amati. Ḵad andadauy ḵayu yaḵon sa dadauyyu ambalin aḵ laylayad.

John 16:20 Referans Kwoze

James 1:2

Susunudḵu ḵan Kristu, ibelangyu we allaylayad ḵayu nu mapadasyu da nansabasabali ye padas atte biyagyu,

Matthew 5:4

Pian da andadauy te liwliwaon Apudyus dida.

2 Corinthians 6:10

Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.

Mark 16:10

Pun ummoy aḵ Mary atta disipulun Jesus we andomdom ya sin-iibil woḵ imbagana ḵan didae innilana'ḵ Jesus.

Jude 1:24

Madaydayaw oḵyan os-ossaane Apudyus we anagu ḵan ditaḵu mipagapu ḵan Jesu Kristu we Apu taḵu. Lamogna saḻaḵniban diḵayu ta adi ḵayu maḵabasuḻ ya ippun madellaw ḵan diḵayu nu pasiḵadona diḵayu si sinagungna. Ḵad maganasan ḵayu we angitotollong atte sumilinge ḵinaapudyusna. Madaydayaw te siya ḵangatuwan ḵan maḵabooḻe Apudyus we naippun ḵigad ni ḵaḻabbongana inggan ni laplapuna, sinsana ya aḵ inggainggana. Amen.

Luke 24:21

Yaḵon siya ninamnamani oḵyane anubut ḵan diḵani ye ganaḵ Israel atta ḵabusuḻ taḵu. Yaḵon sinsadi ye aḻgaw, ḵaḵlun aḻgaw ni naḵwaan da annae banag.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Romans 5:11

Daḵampun aḵ abus sadi yaḵon allaylayad taḵu bos si naḵabuḻbuḻunan taḵu ḵan Apudyus mipagapu ḵan Apu taḵu we Jesu Kristu. Gapu ḵan siya, nipaḻ-og maḵabuḻbuḻunan Apudyus ḵan ditaḵu.

Luke 24:17

Ḵanan Jesus we nan-imus ḵan dida, “Ngai inug-uggudyu si anadtaddaḻananyu?” Nansadangdae mamaḵ-ilae andadauyda.

Luke 23:27

Inninggaw os da amoamode tagu we nitun-ud ḵan Jesus ya da bubai ye sin-iibil ḵan andomdom.

Revelation 18:7

Sa ḵinaadun ni ḵinabaḵnangna ḵan ḵinasoḵaḻna, ḵaḵnat os isun ni lopong ni ampaḵaḻamana ya sa domdomna. Te ḵanana'tte somsomoḵna, ‘Saḵon de queen we ampangat. Andomdomaḵ ḵammane isun di baḻu?’

Revelation 11:10

Da adipun namati ye inggaw ad luta, anggayagayada ya an-asiatodda gapu si layadda'tte natoyan da annae duwae profetan Apudyus te dida gapun ni ampaḵaḻamanda.

Acts 5:41

Tinenan ḵad da apostol da ḵuḵunsisaḻ, amod de layadda te imbelang Apudyus didae labbongdae mapaḵaḻam ḵan mibabbain gapu ḵan Jesus.

John 16:33

Imbagaḵ sana ḵan diḵayu ta mipagapu ḵan saḵon lumin-awa ḵayu oḵyan. Ampaḵaḻamon diḵayu'tta adipun amati. Yaḵon tumuḻod ḵayu te illogyu da losane lawweng si annae lubung.”

John 16:6

Gapu ta imbagaḵ ḵan diḵayu da anna, bummaduuḻ ḵayu.

Luke 22:62

Pun ḵesan woḵ ummibiibil.

Luke 22:45

Naabus ḵad nalluwaḻu, nipauli si igaw da disipuluna woḵ indasana didae masusuyop te naayongda'tte ummamdane babauyda.

Luke 6:21

Pian ḵayu we mauuḻat sinsadi, te mamassug ḵayu. Pian ḵayu we umibiibil sinsadi, te lumayad ḵayu.

Mark 14:72

Daguse impigwan ni ḵawitane nanullaḵuḵ woḵ inḵagasmoḵ Peter imbagan Jesus we ḵanana, “Daampun ḵawitan anullaḵuḵ aḵ madam-an taḻun, amiḵluwom saḵon puḵlitan.” Pun adipun maḵaḵasḵasmoḵ woḵ umibiibil.

1 Thessalonians 1:6

Ḵad nambalin ḵayu'ḵ angunud ḵan diḵani ya aḵ Apu. Te taḵon ay nu amod de nampaḵaḻamanyu, sillalaylayad ḵayu we nangawat si Ugud Apudyus te innattod ni Ispiritu Santu laylayadyu.

John 20:20

Imbagana ḵad sana, impailana da imana ya sa butiḵna. Pun nallaylayad da disipuluna si innilada'ḵ Apu.

Matthew 21:38

“Yaḵon innilan ḵad da gumagammole ye sa abeng ni sinḵuwa'tte mumuḻḻaan atta de grape, ḵanandae nantutuḻag, ‘Annaya angilaḵsun si annae mumuḻḻaan atta de grape. Awwayyu, gongaton taḵu ta anḵuwa taḵu da laḵsunna.’