John 15:6 - Sa Ugud Apudyus

⁶ Ngaimane adipun iinggaw ḵan saḵon, isuna pangae miballu ya maḻangu. Mauppun da panga ḵad miballuda'tte apuy ya masgobda.

John 15:6 Referans Kwoze

Matthew 7:19

Ngaimane ḵayu we lawweng ambubungana, mapoḵpoḵ ya miballu si apuy.

John 15:2

Ḵaanona da pangae adipun amunga. Ḵad da amungae panga, daḻusana dida ta amo umadu ambubungada.

Matthew 13:41

Te saḵone Abeng Di Tagu, ibuunḵu da anghelḵu ta umoyda dagupon da losane tagu we gapun ni maḵabasuḻan da buḻunda ya da losane adipun tumuttuwa'tta pinion Apudyus. Miyadayuda'tta tagu we ipangataḵ.

Matthew 3:10

Sa mipaniyan ni madusaanyu, isun ni wasaye nisasagganae ampoḵpoḵ atte ḵayu ya losane ḵayu we adipun amunga'ḵ ambaḻu mapoḵpoḵda ya miballuda'tte apuy.

2 Peter 2:20

Nu maabuse miligsida'tte ḵinalawenge antatagun da tagu we adipun amati mipagapu si nangigammuwanda ḵan Jesu Kristu we Apu taḵu ya Anagu ḵan ditaḵu ya mipaulida bose ambalin aḵ musassu ḵan maabaḵ atta gagangaye basuḻda, sillumaweng anungus ni ḵasasaadda nu sa damu.

Hebrews 10:27

Naippun udum aḵ uuwayon taḵu nu adi sa ampaḵimute anguwisan Apudyus ya sa gumilagilabe apuye angamin atta losane ḵabusuḻ Apudyus.

Revelation 20:15

Ḵad ngaimane adipun nigili ngadanna'tte iblu we nigiliyan da ngadan da awad da biyagda'ḵ inggana, niballuda si igaw ni gumilgillayabe apuy ḵan sulfur.

1 John 2:19

Da annae sumusullagi ḵan Jesu Kristu, buḻun taḵu dida'tte ḵesane aḻgaw yaḵon daḵampun aḵ tuttuwae buḻun taḵu dida si pammati, siya gapun ni summinaanda ḵan ditaḵu. Te nu tuttuwae buḻun taḵu dida, sissiyae awadda oḵyan ḵan ditaḵu. Yaḵon summinada ḵan ditaḵu ta mipailae daḵampun aḵ tuttuwae buḻun taḵu dida.

Matthew 27:5

Pune sadi, impitlaḵ Judas pilaḵ ad daḻom si templo, pun ummoyon woḵ ummoy namposoḻ.

Revelation 21:8

Yaḵon ampaḵimut maḵwa'tta tagu we adidapun ipapuut pammatida gapu si ogyatda, da naippun pammatida, da lawweng ugalida, da pumappatoy, da angadaḻug atta daḵampun aḵ asawada, da andadawaḵ, da ambubuyun, da anaydayaw atta sinan-apudyus ya da losane tuliyan. Asida umoy inggaw atte igaw ni gumilgillayabe apuy ḵan sulfur. Sana ḵumagwae ḵatoy.”