John 15:27 - Sa Ugud Apudyus

²⁷ Diḵayu ḵad os taḵdoḻanyu te inninggaw ḵayu ḵan saḵon si inggan ni laplapu.”

John 15:27 Referans Kwoze

1 John 4:14

Ḵad innilani ḵan panoḵnoḵanni ye imbuun Apudyus we Ama Abengna aḵ anagu'tta tagu si annae lubung.

John 21:24

Sana disipulun Jesus we anaḵdoḻ atta sanae banag ya siya bos nangigili. Ḵad igammuni ye tuttuwa da tinaḵdoḻana.

Luke 24:48

Diḵayu we mismu anaḵdoḻe ḵatuttuwaan da innilayu.

Acts 23:11

Sa sadi ye labi, nampaila'ḵ Apu Jesus ḵan Paul woḵ ḵanana, “Papigsaom somsomoḵnu te ḵasapuḻane taḵdoḻam mipanggob ḵan saḵon ad Rome we isun ni nanaḵdoḻam ḵan saḵon sina'd Jerusalem.”

1 Peter 5:12

Inggiliḵ anna gapu si badang Silas we imbelangḵu'ḵ mataḻgodane sunud taḵu ḵan Kristu. Inggiliḵ annae abobbae suḻat ḵan diḵayu ta papigsaoḵ pammatiyu ḵan panoḵnoḵaḵ ḵan diḵayu annae tuttuwae ḵinabaḻun Apudyus. Sosomḵonyu we ustu sadi ye ḵinabaḻuna ta adiyu an-awidan.

1 Peter 5:1

Awad de pioḵ ibaga ḵan diḵayu we angipangpangu'tta namati te osaaḵ ose angipangpangu. Osaaḵ ose nangila si nampaḵaḻaman Kristu ya midogaaḵ si ḵabaḻuwane antatagu ḵan Apudyus ad langit si umali ye aḻgaw.

Acts 4:20

Te diḵani ḵad, adipun maḵwae iginoḵni ye angibagabaga'tta innilani ya da dingngoḻni.”

Acts 1:8

Yaḵon nu umali Ispiritu Santu ḵan diḵayu, maittan ḵayu'tte ḵabooḻan Apudyus ta iwaḻagawagyu mipanggob ḵan saḵon sina'd Jerusalem ya da adu we ili'tta probinsiya'd Judea ḵan Samaria ya sa intero we lubung.”

Revelation 1:9

Saḵon aḵ John we sunudyu ḵan Kristu ya buḻunyu we nangiyattome nampaḵaḻam gapu'tte niyossaanan taḵu ḵan Jesu Kristu si ampangatana. Gapu'tte nangiwaḻagawagaḵ si Ugud Apudyus ya sa namanoḵnoḵaḵ si mipanggob ḵan Jesus, naḵoddonganaḵ aḵ madusa woḵ inniyoyda saḵon ad Patmos, sa ban-oge ili ye niliḵwos ni baybay.

Revelation 1:2

Inggiliḵ da losane nipaila ḵan saḵon. Ḵad pinanoḵnoḵaḵe tuttuwa Ugud Apudyus ya da impaigammun Jesu Kristu.

Acts 18:5

Dummatong ḵad da Silas ḵan Timothy ye naḻpu'd Macedonia, impapatin Paul we nangiwaḻagawag si Ugud Apudyus ya pinanoḵnoḵana'tta Judyu we aḵ Jesus siya Kristu.

Acts 13:31

Pun nampaila si adu we aḻgaw atta nibuḻubuḻun ḵan siyae naḻpu'tte probinsiya'd Galilee inggana'd Jerusalem. Sinsadi, dida anaḵdoḻ atta tagu.

Acts 4:33

Gapu si amode ḵabooḻane naatod atta apostol, tinaḵdoḻandae ummuli'ḵ Apu Jesus. Ḵad amod de ḵinabaḻun Apudyus we naatod ḵan dida.

John 19:35

Sa nangila'tte sanae naḵwa, tinaḵdoḻana ḵatuttuwaan ḵan igammunae imbagana ḵatuttuwaan ta amati ḵayu bos.

Acts 3:15

Gingngatyu angitod si biyag yaḵon tinagun Apudyus ḵasin ya taḵdoḻanni ye ummuli te innilani.

Mark 1:1

Annaya lapun ni Ambaḻu we Damag mipanggob ḵan Jesu Kristu we siya pinilin Apudyus aḵ Anagu ḵan An-ari.