John 14:9 - Sa Ugud Apudyus

⁹ Ḵanan Jesus, “Nabayage inninggawaḵ ḵan diḵayu ḵad daannupun os ay igammuwon saḵon, Philip? Ngaimane nangila ḵan saḵon, innilada bos aḵ Amaḵ. Ḵad ngaipam ḵanane ipailam ud ḵan diḵani'ḵ Amam?

John 14:9 Referans Kwoze

Colossians 1:15

Aḵ Kristu angil-an taḵu si ḵinaapudyus Apudyus we adipun maila. Gagangaye inggaw si daan ni lubung maḵwaan ḵad siya ḵangatuwan atta losane ḵingwana.

John 12:45

Ḵad ngaimane nangila ḵan saḵon, innilana bos nangibuun ḵan saḵon.

John 14:7

Nu inigammuyu saḵon, inigammuyu oḵyan os aḵ Amaḵ. Inggana sinsadi, igammuyu'ḵ Amaḵ ya innilayu bos.”

Hebrews 1:3

Sa Abeng angil-an taḵu si ḵadayawan Apudyus ya miyiissu ḵinaapudyusna. Ḵad siya amagatup atta losane mipagapu si ḵabooḻan ni ugudna. Ginangputna ḵad pinapoḻḵas da tagu'tta basuḻda, nipauli'd langit woḵ tutuḵdu si madawinan Apudyus we ḵangatuwan ya maḵapangat ḵan siya.

John 10:30

Saḵon ya aḵ Amaḵ, ossaan ḵani.”

John 1:14

Sa Ugud, nambalin aḵ tagu woḵ inninggaw ḵan ditaḵu. Amod de ḵinabaḻuna ya ḵatuttuwaan da losane imbagabagana. Innilani ḵan siya nakaskasdaawe ugalin Apudyus te siya abus aḵ Abeng we naḻpu ḵan Amana.

Philippians 2:6

Te awad ḵan siya gattoḵe ḵinaapudyus Apudyus, adinapun imbelange mipangtad long-agna ḵan Apudyus aḵ mausar para'tte bumaḻuwana

John 14:20

Sa sadi ye aḻgaw, igammuwonyu we awadaḵ ḵan Amaḵ ya awad ḵayu ḵan saḵon ya awadaḵ ḵan diḵayu.

Mark 9:19

Ḵanan Jesus, “Diḵayu we ippun pammatiyu si sanae lunap! Ḵamaan ni inggawaḵ ḵan diḵayu ya asi ḵayu amati? Ḵamaan ni ampatinggaan ni anusḵu ḵan diḵayu?” Pun ḵanana'tte aman ni abeng, “Idatongnu abeng ḵan saḵon.”

Luke 12:56

Ngaipayu ḵamman mailasin da sinyal ni luta ḵan langit ya ippun igammuyu'tta sinyal Apudyus we mipanggob ḵan saḵon? Ḵapappaila ḵayu!”

1 Corinthians 15:12

Sinsadi, nu iwwaḻagawagni ḵan diḵayu we ummuli'ḵ Kristu, ngai inonae ḵanan da udum ḵan diḵayu we adipun umuli da natoy?

John 8:19

Pun ḵanandae nan-imus, “Dinu ḵad ain aḵ Amam?” Ḵanan Jesus, “Naippun igammuyu ḵan saḵon baḵon nu aḵ Amaḵ. Nu igammuyu oḵyan saḵon, igammuyu bos aḵ Amaḵ.”

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.