John 14:31 - Sa Ugud Apudyus

³¹ yaḵon ḵooḵ da imbilin Amaḵ ḵan saḵon ta igammuwon da tagu we ay-ayatoḵ aḵ Amaḵ. Awwayyu, intaḵun.”

John 14:31 Referans Kwoze

John 10:18

Naippun paat maḵaaḻa'tte biyagḵu yaḵon sipupusuwaḵe angitod. Anna ḵabooḻaḵe angitod atte biyagḵu ya anna bos ḵabooḻaḵe amauli. Sa imbilin Amaḵ, ḵasapuḻane ḵooḵ.”

Philippians 2:8

ya gapu'tte nambalinana'ḵ tagu, impakumbabana long-agna'tte tummuttuwaana ḵan Apudyus, taḵon ay nu siya gapun ni matoyana, taḵon ay os nu ḵaog-ogyat ya ḵababbain natoyanae nipattoḻ atte kros.

John 12:49

Te daḵampun aḵ nan-ugudaḵ aḵ naḻpu si ḵaḻabbongaḵ yaḵon aḵ Amaḵ we nangibuun ḵan saḵon, imbilinna nu ngai da ibagaḵ ḵan ugudoḵ.

John 4:34

Pun ḵanan os Jesus ḵan dida, “Sa ḵanoḵ sa anuttuwaaḵ ḵan angangputaḵ atta ḵewaaḻe paḵwan ni nangibuun ḵan saḵon.

Luke 12:50

Yaḵon umunae ampaḵapaḵaḻamaḵ ya amod dadauyḵu inggana'ḵ magangput.

John 15:9

“Ayatoḵ diḵayu we isun ni an-aayat Amaḵ ḵan saḵon. Pun iinggaw ḵayu ḵan saḵon ta padasonyu ayatḵu.

John 18:11

Ḵanan Jesus ḵan Peter, “Ipaulim ispadam si bolbolloyna. Ḵanampun ḵamman nu adiḵ maanusan ampaḵaḻamane inḵoddong Amaḵ?”

John 12:27

Pinagatupan Jesus woḵ ḵanana, “Sinsadi, an-aalimuunaḵ. Ngai nin ay ibagaḵ? Ama, iligsiyaḵ sinsadi ye oras. Naid te siya ummaliyaḵ ḵasapuḻane ampaḵaḻamaḵ sinsadi ye oras.”

Matthew 26:39

Pun bummattawa ḵan dida'ḵ aḵit woḵ nalluḵbube nalluwaḻu. Nalluwaḻu woḵ ḵanana, “Ama, nu maḵwa oḵyan, iligsim saḵon si annae ampaḵaḻamaḵe sasangnguwoḵ. Yaḵon daḵampun oḵyan si pinioḵ mituttuwa nu adi sa piniom.”

Matthew 26:46

Lumibbat ḵayu ta intaḵun. Ilanyu, annate umali angituyuḵ ḵan saḵon.”

John 13:1

Madam-an ḵad Gayagayan da Judyu we ngannonda Nallausan, iniiggammun Jesus we dummatong timpu we tenana lubung ya mipauli ḵan Amana. Gapu'tte ayatna'tta taguna si lubung, ay-ayatona dida inggana'ḵ anungus.