John 14:30 - Sa Ugud Apudyus

³⁰ “Adipun ogon andu maḵaug-uggudaḵ ḵan diḵayu te annate umali'ḵ Satan we pangat da adipun amati ḵan saḵon. Naippun ḵabooḻana ḵan saḵon,

John 14:30 Referans Kwoze

1 John 5:19

Sa ḵumagwa, igammu taḵu we abeng Apudyus ditaḵu taḵon ay nu impangatan Satan da losane tagu we adipun amati.

1 John 4:4

Aabengḵu, diḵayu da abeng Apudyus ya illogyu da sinan profeta te adidapun lamog inallelaw diḵayu. Te sa Ispiritu Santu we awad ḵan diḵayu, amo maḵabooḻ nu aḵ Satan we angipangat atta tagu we adipun namati.

Revelation 12:9

Ḵad niballu'd luta daḵoḻe dragone nidoga da anghelna. Aḵ Satan sanae nampailae uḻog si awe. Siya nangallelaw atta tagu si intero we lubung.

John 12:31

Sinsadi ḵuwison Apudyus da tagu si annae lubung ya sinsadi aḵ Satan we pangat da tagu we adipun amati, maabaḵ.

Ephesians 6:12

Te daḵampun aḵ tagu da ḵabusuḻ taḵu yaḵon da losane kalasin di ispiritu we adipun mailae angipangat atta tagu sina'd lutae sissiya si pongot ya da udume awad ad langite lawweng.

1 Peter 2:22

Adipun paat naḵabasuḻ ya ippun paat nantultulliyana.

Ephesians 2:2

Te siya inunudyu da antatagun da tagu we adipun amati ya tinuttuwayu gapu si namatiyanyu'tte pangat da ispiritu we adipun mailae siya angidaḻan atta tagu we adipun amati.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.

Luke 22:53

Inaḻgawe inninggawaḵ ḵan diḵayu'tte paway ni templo we antuttudu, adiyupun saḵon dinoḵmaan. Yaḵon sinsadi, annae dummatong timpuyu we inḵoddong Apudyus ya dummatong os timpun Satan we angipangat atte giḵbot.”

Colossians 1:13

Te siya nanagu ḵan ditaḵu si ḵabooḻan ni pangat atte giḵbot woḵ indogana ditaḵu si ampangatan ni ay-ayatonae Abengna,

Hebrews 7:26

Ḵad aḵ Jesus ḵangatuwane padi taḵu we ustuustu we siya ḵasapuḻan taḵu. Te nasantuwan, ippun ḵadellawana ya ippun basuḻna. Nitotoḵḵon atta ḵabasbassuḻan woḵ nipangatu'd langit.

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

Acts 1:3

Naabus ḵad natoy aḵ Jesus woḵ ummuli, dam-on nampaila'tta disipuluna si unog ni opatpuḻu we aḻgaw ya adu da ḵingwanae angipanoḵnoḵe tuttuwae ummuli woḵ intuttuduna mipanggob si ampangatan Apudyus.

Luke 1:35

Ḵanan ni anghel, “Umali Ispiritu Santu ḵan siḵa ḵad mabugiḵa gapu si ḵabooḻan ni Ḵangatuwane Apudyus. Ḵade sadi mibuḵnag ngannonda nasantuwane Abeng Apudyus.

1 Peter 1:19

yaḵon sa ampatoge daḻan Kristu si natoyana para ḵan ditaḵu. Sa nangidatunana si mismu we long-agna isun di ubbu we karnero we ippun paat ḵaissawna ya ippun dipiktunae nidatun ḵan Apudyus.

1 John 5:18

Awad da tuḻu we igammuwon taḵu oḵyan. Sa umuna, igammu taḵu we ippun abeng Apudyus aḵ pagapagatupanae bumasubasuḻ te saḻaḵniban ni Abeng Apudyus ḵad ippun lamog Satan we aniwdiwat ḵan siya.