John 14:16 - Sa Ugud Apudyus

¹⁶ Ḵad ḵodawoḵ ḵan Amaḵ ta angibuun aḵ Bumadang ḵan diḵayu. Siya Ispiritu Santu we inggaw ḵan diḵayu'ḵ inggana.

John 14:16 Referans Kwoze

John 14:26

Yaḵon sa bumadange ibuun Amaḵ, siya Ispiritu Santu we angiyugud ḵan saḵon. Ituttuduna ḵan diḵayu da losan ya paiḵagasmoḵna ḵan diḵayu da losane imbagaḵ.

John 15:26

Ḵanan Jesus atta disipuluna, “Ibuunḵu Ispiritu Santu we siya Bumadang ḵan diḵayu we maḻpu ḵan Apudyus we Ama. Sa Ispiritu Santu angituttudu'tte ḵatuttuwaan ya taḵdoḻana mipanggob ḵan saḵon.

Romans 15:13

Iluwaḻuḵ ḵan Apudyus we maḻpuwan ni namnama taḵu ta ittona ḵan diḵayu amode layad ḵan lin-awan da somsomoḵyu gapu si namatiyanyu ta pumigsa namnamayu mipagapu si ḵabooḻan ni Ispiritu Santu.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

Romans 14:17

Te sa ampangatan Apudyus atta taguna, daḵampun aḵ ampatog ḵanon taḵu ḵan inumon taḵu. Yaḵon sa ampatog, ḵoona ditaḵu'ḵ maun-unan, sa allin-awaan taḵu'tta sin-ossaossa ya sa laylayad taḵu we maḻpu si Ispiritu Santu.

Acts 9:31

Pun lummin-awa da gimung da namati ḵan Jesus atta adu we ili'tta probinsiya'd Judea, Galilee ya ad Samaria te ippun ogon udum aḵ amaḵaḻam ḵan dida. Gapu si badang ni Ispiritu Santu pummigsa pammatida ya ummaduadu da namati ya isipogda'ḵ Apudyus.

1 John 2:1

Diḵayu we abengḵu, nanuḻataḵ ḵan diḵayu ta adi ḵayu bumasuḻ. Yaḵon nu awad bumasuḻ, awad de angiyugud ḵan ditaḵu ḵan Apudyus we Ama, siya'ḵ Jesu Kristu we naun-unan.

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

Matthew 28:20

Ḵad tuttuduwanyu dida ta tuttuwaonda da losane imbilinḵu ḵan diḵayu. Sosomḵonyu we patilayune annaaḵ ḵan diḵayu inggana'ḵ anungus ni timpu.”

Philippians 2:1

Pun sa niyossaananyu ḵan Kristu, siya masoḻgagan ni somsomoḵyu. Ayaton Kristu diḵayu ya siya alliwliwa ḵan diḵayu. Buḻbuḻunyu bos Ispiritu Santu. Ḵad anna ayat ḵan ḵadagu ḵan diḵayu.

Romans 5:5

Ḵad nu awad namnama taḵu, aditaḵupun oḵyan madismaya te impailan Apudyus amode ayatna para ḵan ditaḵu mipagapu'tte Ispiritu Santu we innatodna ḵan ditaḵu.

Acts 13:52

Ḵad da namati ḵan Jesus ad Antioch, amod de layadda ya naittanda si ḵabooḻan ni Ispiritu Santu.

John 17:15

Daḵampun aḵ iluwaḻuḵe ḵaanom dida'tte annae lubung yaḵon iluwaḻuḵe saḻaḵnibam dida ḵan Satan.

John 14:18

“Adiḵpun diḵayu tenane isun di ulila te mipauliyaḵ ḵan diḵayu.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

Romans 8:34

Ngai ḵad ain maḵwae angoddong ḵan ditaḵu'ḵ madusa? Naippun te aḵ Jesu Kristu natoy woḵ ummuli. Pun siya tutuḵdu si madawinan Apudyus we maḵapangat ya angiyugud ḵan ditaḵu.

John 14:14

Nu ḵodawonyu da ngaimane mipagapu'tte ḵaḻabbongaḵ, ḵooḵ.”

John 17:20

“Daḵampun aḵ abus da anna'ḵ iluwaḻuwaḵ yaḵon iluwaḻuwaḵ os da losane amati ḵan saḵon mipagapu si ituttududa.

John 16:22

Pun isuna bos ḵan diḵayu te andadauy ḵayu sinsadi. Yaḵon sa umali ye aḻgaw, an-asiila taḵu ḵasin ḵad anggangganas ḵayu ya naippun ḵallamog angaan atte layadyu.

2 Thessalonians 2:16

Oḵyan pos ta aḵ Jesu Kristu we Apu taḵu ya aḵ Apudyus we Ama taḵu we nangipaila si ayatna ḵan ditaḵu ḵan gapu'tte ḵinabaḻuna innatodna annanayune liwliwa ḵan ambaḻu we namnama taḵu,

John 7:39

Siya inugud Jesus mipanggob si Ispiritu Santu we awaton da amati ḵan siya. Yaḵon daampun maatod ḵan dida te daampun mipauli'ḵ Jesus ta midayaw ad langit.

Acts 1:4

Sa inninggawana ḵan dida, binilin Jesus dida ta adida tenan ad Jerusalem yaḵon uwayonda inkarin Apudyus we Ama we isun ni imbagana ḵan dida si awe.

1 John 2:27

Yaḵon sa Ispiritu Santu we inawatyu, siya iinggaw ḵan diḵayu, pun daḵampun aḵ ḵasapuḻane awad angituttudu ḵan diḵayu mipanggob si ḵatuttuwaan. Yaḵon sa Ispiritu Santu angituttudu ḵan diḵayu'tta losane ḵatuttuwaan ya ippun tuli'ḵ ituttuduna. Pun unudonyu da intuttuduna ḵan diḵayu ta iinggaw ḵayu ḵan Kristu.

2 John 1:2

An-asiayat taḵu gapu'tte ḵatuttuwaane iinggaw ḵan ditaḵu ya nimumuḻa'tta somsomoḵ taḵu'ḵ inggana.