John 14:13 - Sa Ugud Apudyus

¹³ Ḵad ngaimane ḵodawonyu mipagapu'tte ḵaḻabbongaḵ, ḵooḵ ta midayaw Ama mipagapu'tte Abeng.

John 14:13 Referans Kwoze

John 15:7

Nu iinggaw ḵayu ḵan saḵon ya nimuḻa ugudḵu'tta somsomoḵyu, ngaimane ḵodawonyu maatod ḵan diḵayu.

Mark 11:24

Pun ngaimane ḵodawonyu ḵan Apudyus, aaddi ye ittona nu patiyonyu.

Matthew 21:22

Nu awad pammatiyu ḵan Apudyus, ittona da losane ḵodawonyu nu alluwaḻu ḵayu ḵan siya.”

Matthew 7:7

Ḵanan os Jesus, “Anḵodaḵodaw ḵayu oḵyan ḵan Apudyus woḵ ittona ḵan diḵayu. Singsingtonyu oḵyan woḵ odasanyu ya iggaiggayu oḵyane anḵugḵug woḵ mabuḵtan onob para ḵan diḵayu.

1 John 5:14

Ḵad antaḻgod taḵu we alluwaḻu ḵan Apudyus te igammu taḵu we ngaimane ḵodawon taḵu ḵan siya sigun si piniona, dongngona ditaḵu.

John 16:23

“Sa sadi ye aḻgaw, naippun ḵodawonyu ḵan saḵon. Ibagaḵ ḵan diḵayu ḵatuttuwaan, ngaimane ḵodawonyu ḵan Amaḵ mipagapu'tte ḵabooḻaḵ, ittona ḵan diḵayu.

1 John 3:22

Ḵad da ngaimane ḵodawon taḵu ḵan siya, ittona gapu'tte anuttuwaan taḵu'tta bilinna ya sa angwaan taḵu'tta mas-omana.

John 15:16

Daḵampun aḵ diḵayu namili ḵan saḵon yaḵon saḵon namili ḵan diḵayu. Ḵad dinutuḵaḵ diḵayu'ḵ umoy amunga'ḵ adu ya annanayun oḵyan bungayu. Ta ngaimane ḵodawonyu ḵan Amaḵ mipagapu'tte ḵaḻabbongaḵ, ittona.

John 14:14

Nu ḵodawonyu da ngaimane mipagapu'tte ḵaḻabbongaḵ, ḵooḵ.”

James 5:16

Pun an-asibabagga ḵayu'tta basuḻyu ya an-asiluwaḻu ḵayu ta maḵaan da saḵityu. Te sa luwaḻun ni naun-unane tagu ampigsa ḵabooḻana ḵan ambanagana.

Philippians 4:13

Gapu'tte miyossaanaḵ ḵan Kristu we siya amapigsa ḵan saḵon, lamogḵu ḵoon da losan.

James 1:5

Nu awad osa ḵan diḵayu'ḵ angkurang atte ḵinalaing, alluwaḻu oḵyan ḵan Apudyus woḵ aaddi ye maatod. Te aḵ Apudyus allaay atta losane tagu ya adinapun dida pabainan nu anḵodawda.

Ephesians 3:12

Pun maḵwa antuḻod taḵu we umadani ya alluwaḻu ḵan Apudyus mipagapu'tte niyossaanan taḵu ḵan Kristu Jesus ya sa pammati taḵu ḵan siya.

John 16:26

Ḵad nu dumatong sanae aḻgaw, anḵodaw ḵayu mipagapu'tte ḵabooḻaḵ. Daḵampun aḵ ḵanaḵe iḵdawaḵ diḵayu ḵan Amaḵ.

John 10:30

Saḵon ya aḵ Amaḵ, ossaan ḵani.”

Ephesians 2:18

Ḵad mipagapu ḵan Kristu, maḵwae umadani taḵu losan ḵan Apudyus we Ama taḵu te ossaan Ispiritu we iinggaw ḵan ditaḵu.

Colossians 3:17

Ngaimane ḵoonyu ḵan ugudonyu, ḵoonyu mipagapu si ngadan Apu Jesus ḵad anggappiya ḵayu ḵan Apudyus we Ama mipagapu ḵan siya.

John 7:37

Sa anungus ḵan ḵapatogane aḻgaw ni Gayagayan da Judyu we ngannonda Sigay, summiḵad aḵ Jesus woḵ ḵananae nangiyipḵaw, “Ngaimane mauwaw, umali ḵan saḵon ta uminum.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 12:44

Ḵanan Jesus we nangidangsoḻ, “Ngaimane amati ḵan saḵon, daḵampun aḵ abusaḵ aḵ patiyona yaḵon patiyona bos nangibuun ḵan saḵon.

Luke 11:9

“Ḵad annaya ibagaḵ ḵan diḵayu, anḵodaḵodaw ḵayu oḵyan os ḵan Apudyus woḵ ittona ḵan diḵayu. Singsingtonyu oḵyan woḵ odasanyu ya iggaiggayu oḵyane anḵugḵug woḵ mabuḵtan onob ḵan diḵayu.

1 Peter 2:5

Gapu si umadaniyanyu ḵan Jesu Kristu, mipani ḵayu bos si matattagu we batu we mausar si antaḵadan atte boḻoye ḵuwan Apudyus aḵ anserbiyanyu we papadi ye nitotoḵḵon para ḵan siya ya idatunyu da datun para ḵan siyae abuse mas-omana mipagapu ḵan Jesu Kristu.

John 5:19

Pun ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abengna, adiyaḵpun maḵaḵwa'tta ḵooḵ nu abusaḵ. Te da ḵooḵ, abus da ilaḵe ḵoon Amaḵ. Ḵad da ngaimane ḵoon Amaḵ, siya bos da ḵooḵ.

Hebrews 13:15

Ḵad mipagapu ḵan Jesus ḵasapuḻane pagapagatupan taḵu we angidatun ḵan Apudyus si datune daydayaw. Te sadi ustu we ḵoon da losane amigbig ḵan siya.

Hebrews 4:15

Te sa ḵangatuwane padi taḵu maawatana da losane anḵuyaan taḵu te pinadasna da nankalakalasi ye sulisuge isu taḵu bos. Yaḵon adipun naḵabasuḻ.

Ephesians 3:14

Somsomḵoḵ ḵad losan da sana, analluḵuwaḵe alluwaḻu ḵan Ama Apudyus,

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

John 4:10

Ḵanan Jesus, “Nu inigammum atod Apudyus ya inigammum nu ngaiyaḵe anḵodaw atte danum, siḵa oḵyan anḵodaw ta ittaḵ siḵa si danume angitod si biyag.”

John 16:7

Yaḵon ibagaḵ ḵan diḵayu ḵatuttuwaan, bumaḻuwanyu nu iyyaḵon te nu adiyaḵ umoyon, adipun umali Bumadang ḵan diḵayu. Yaḵon nu iyyaḵon, ibuunḵu ḵan diḵayu.

John 13:31

Nalismud ḵad aḵ Judas, ḵanan Jesus, “Sinsadi midayaw Abeng Di Tagu ya mipagapu ḵan siya midayaw aḵ Apudyus.

1 Corinthians 14:13

Pun sa tagu we awad de ḵabooḻanae an-ugud atte sabali ye ugude adinapun inadaḻ, iluwaḻuna oḵyan ḵan Apudyus ta ittona bos ḵabooḻanae angipaḵaawat.