John 14:10 - Sa Ugud Apudyus

¹⁰ Adimpun ḵamman patiyone awadaḵ ḵan Amaḵ ya awad aḵ Amaḵ ḵan saḵon? Sa imbagaḵ ḵan diḵayu, daḵampun aḵ ugudoḵ si ḵuwaḵe ḵaḻabbongan yaḵon sa Ama we iinggaw ḵan saḵon, ḵoona da ḵewaaḻna.

John 14:10 Referans Kwoze

John 5:19

Pun ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abengna, adiyaḵpun maḵaḵwa'tta ḵooḵ nu abusaḵ. Te da ḵooḵ, abus da ilaḵe ḵoon Amaḵ. Ḵad da ngaimane ḵoon Amaḵ, siya bos da ḵooḵ.

John 10:38

Yaḵon nu ḵooḵ dida, taḵon ay nu adiyu saḵon patiyon, patiyonyu oḵyan da ḵooḵ ta igammuwonyu ya maawatanyu we sa Ama awad ḵan saḵon ya awadaḵ os ḵan siya.”

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

John 12:49

Te daḵampun aḵ nan-ugudaḵ aḵ naḻpu si ḵaḻabbongaḵ yaḵon aḵ Amaḵ we nangibuun ḵan saḵon, imbilinna nu ngai da ibagaḵ ḵan ugudoḵ.

John 10:30

Saḵon ya aḵ Amaḵ, ossaan ḵani.”

John 8:28

Pun ḵanan Jesus, “Magangput ḵade itaḻayagyu saḵone Abeng Di Tagu atte kros, sadi angigammuwanyu we saḵone mismu sadi. Ḵad sadi bos angigammuwanyu we daḵampun aḵ buttungaḵ da losane ḵooḵ yaḵon da intuttudun Amaḵ da losane ibagaḵ.

Colossians 2:9

Sa ḵatuttuwaan mipanggob ḵan Kristu, nambalin tagu yaḵon awad ḵan siya da losane ḵinaapudyus Apudyus.

John 17:8

Te intuttuduḵ ḵan dida ugudnu we innatodnu ḵan saḵon woḵ tinuttuwada. Igammuda ḵatuttuwaane naḻpuwaḵ ḵan siḵa ḵad namatidae siḵa nangibuun ḵan saḵon.

John 5:17

Ḵanan Jesus, “Aḵ Amaḵ we Apudyus, adipun guminoḵe anḵewaaḻ ḵad isuna bos ḵan saḵon.”

2 Corinthians 5:19

Sa pionni ibaga, mipagapu'tte ḵingwan Kristu, impaḻ-og Apudyus maḵabuḻbuḻunan da tagu ḵan siya woḵ adinapun ogon ibelang da basuḻda. Intaḻgodna ḵan diḵani mituttuduwan ni sanae damag atte angipaḻ-ogan Apudyus si maḵabuḻbuḻunan da losane tagu ḵan siya.

John 8:38

Ibagaḵ da innilaḵ atte inggawaḵ ḵan Amaḵ. Diḵayu ḵad, siya ḵoonyu da dingngoḻyu ḵan amayu.”

Colossians 1:19

Te pinion Apudyus we losane ḵinaapudyusna awad atte Abengna.

John 14:20

Sa sadi ye aḻgaw, igammuwonyu we awadaḵ ḵan Amaḵ ya awad ḵayu ḵan saḵon ya awadaḵ ḵan diḵayu.

John 7:16

Sinongbatan Jesus dida woḵ ḵanana, “Daḵampun aḵ sa somsomoḵḵu maḻpuwan ni ituttuduḵ yaḵon maḻpu ḵan Apudyus we nangibuun ḵan saḵon.

John 8:40

Yaḵon sinsadi, singsingtonyu angongatanyu ḵan saḵone nangibaga'tte ḵatuttuwaane dingngoḻḵu ḵan Apudyus. Daḵampun aḵ ḵaḵna ḵingwan Abraham.

John 11:26

Ḵad ngaimane matagu ya amati ḵan saḵon, adipun paat matoy. Patiyom ḵamman anna?”

John 3:2

Sillabiyan ḵad, ummoy ḵan Jesus woḵ ḵanana, “Mistulu, igammuni ye siḵa imbuun Apudyus we umoy antuttudu ḵan diḵani te naippun maḵaḵwa'tta nakaskasdaawe sinyale ḵoom nu maid aḵ Apudyus ḵan siya.”

John 14:11

Pun patiyonyu we awadaḵ ḵan Amaḵ ya awad aḵ Amaḵ ḵan saḵon. Nu adiyupun patiyon imbagaḵ, patiyonyu oḵyan gapu'tta ḵingwaḵe nakaskasdaaw.

John 14:24

Sa adipun angayat ḵan saḵon, adinapun tuttuwaon ugudḵu. Ḵad sa ugudḵu we dongngonyu, daḵampun aḵ naḻpu ḵan saḵon yaḵon naḻpu ḵan Amaḵ we nangibuun ḵan saḵon.