John 13:5 - Sa Ugud Apudyus

⁵ Pun imbuḵbuḵna danum si palanggan woḵ insaḻadnae amaḻbaḻ atta suḵin da disipuluna ya pinunasana si tuwalyae nanḵainna.

John 13:5 Referans Kwoze

Luke 7:44

Nansinagung atte bubai woḵ ḵanana ḵan Simon, “Ilam ḵad annae bubai! Taḵon ay nu ḵoḵoḵḵon taḵu lumnoḵ ḵad ay mangili si boḻoy ya itton taḵu danume amaḻbaḻna si suḵina, naippun nangitod aḵ danum ḵan saḵon sina. Yaḵon sa anna ḵad, binaḻbaḻana suḵiḵ atte luwana woḵ pinunasana'tte buuḵna.

1 Timothy 5:10

Ḵasapuḻan ose da ambaḻu we ḵingwada, nan-asidongoḻ inondae namadaḵoḻ atta abengda, ḵamamangilida ḵan impakumbabada da long-agdae nanserbi'tta tagun Apudyus, binadanganda da ampaḵaḻame tagu ya pummangogdae angwa'tta ngaimane ambaḻu.

Revelation 7:14

Ḵanaḵ ḵan siya, “Naid, Apu, siḵa angigammu.” Pun ḵanana, “Sana da nallagum atte ampaḵimute ampaḵaḻaman. Pinapoḻḵasda da langgoyodda'tte daḻan ni Ubbu we Karnero ta umitaḵda.

Hebrews 10:22

Umadani taḵu ḵan Apudyus we sipupusu ya antaḻgod pammati taḵu ḵan siya, ḵad pummoḻḵas da somsomoḵ taḵu'tta lawweng te isun di nawaḻsiyan taḵu si daḻan Kristu ya nadaḻusan da long-ag taḵu si an-imlonge danum.

Ephesians 5:26

ta itotoḵḵon ditaḵu we namati'ḵ taguna gapu ta pinapoḻḵasna ditaḵu'tte danum ya sa Ugud Apudyus.

1 Corinthians 6:11

Sa awe, ḵaḵnat ḵoḵoḵḵon da udum ḵan diḵayu. Yaḵon sinsana pummoḻḵas ḵayu'tta losane basuḻyu ya intotoḵḵon Apudyus diḵayu'ḵ taguna ya siya angwa si maun-unanyu mipagapu'tte ḵabooḻan Apu Jesu Kristu ya sa Ispiritun ni Apudyus taḵu.

Acts 22:16

Sinsadi, ngai bos uwayom? Lumibbatḵa ta inḵa pabonyag ḵad iluwaḻum ḵan Apudyus ta pakawanona da basuḻnu mipagapu'tte anḵodawam aḵ ḵadagu ḵan Apu.’

1 John 5:6

Ummali ḵad aḵ Jesus si annae luta, inninggaw da tuḻu we nangipanoḵnoḵe siya Abeng Apudyus. Sa umuna, sa nampabonyagana'tte danum. Sa ḵumagwa, sa daḻanae pummoy-as atte natoyana. Ḵad sa ḵumaḵlu, sa Ispiritu Santu we angibaga si ḵatuttuwaan. Da sanae tuḻu, nan-iisu we tinaḵdoḻanda mipanggob ḵan Jesu Kristu.

1 John 1:7

Yaḵon nu sissiyae mabiyag taḵu'tte paddae isun Apudyus we anna'tte padda, maḵabuḻbuḻun taḵu'tta doga taḵu we namati ḵad pumoḻḵas losan da basuḻ taḵu gapu'tte daḻan Jesus we Abengna.

John 19:34

Yaḵon sa osa'tta suḻdadu, dinuy-uḵna si tubay butiḵ Jesus woḵ daguse pummoy-as daḻa ḵan danum.

Luke 7:38

Nillumnoḵ ḵad, summiḵad si daḻnig Jesus woḵ ummibil. Nantottodtod luwana inggana'ḵ nas-ob suḵin Jesus. Pun pinunasana'tte buuḵna ḵan inogoḵana bos suḵina woḵ inisigna sadi ye bangbanglu si suḵin Jesus.

Revelation 1:5

Naḻpu bos ḵan Jesu Kristu we mataḻgodane amanoḵnoḵ atte mipanggob ḵan Apudyus. Siya ummunae natagu ḵasin atta natoy ya siya pangat da losane ari'd luta. Ay-ayatona ditaḵu ḵad pinuḵayana ditaḵu we isun di baḻud ni basuḻ mipagapu'tte daḻanae pummoy-as atte natoyana.

John 13:10

Ḵanan Jesus ḵan siya, “Sa tagu we nan-amos, adipun ḵasapuḻane ambaḻbaḻ te ampoḻḵas long-agna. Abus da suḵina'ḵ ḵasapuḻane mabaḻbaḻan. Ampoḻḵas ḵayu yaḵon daḵampun aḵ losan ḵayu.”

John 13:8

Ḵanan Peter, “Adim paat baḻbaḻan da suḵiḵ.” Ḵanan os Jesus we summongbat, “Nu adiḵ baḻbaḻan da suḵim, adiḵapun midoga ḵan saḵon.”

John 13:6

Niduum ḵad ḵan Simon Peter, ḵanan Peter ḵan siya, “Apu, baḻbaḻam ḵamman da suḵiḵ?”