John 13:34 - Sa Ugud Apudyus

³⁴ Ittoḵ ḵan diḵayu baru we bilin. Ḵasapuḻane an-asiayat ḵayu we isun ni an-aayatḵu ḵan diḵayu.

John 13:34 Referans Kwoze

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

John 15:17

Pun sa bilinḵu ḵan diḵayu, an-asiayat ḵayu.”

1 Peter 1:22

Te pummoḻḵas ḵayu we ustu si tummuttuwaanyu gapu si namatiyanyu'tte ḵatuttuwaan, gattoḵe ayatonyu da susunudyu ḵan Kristu we namati. Pun pagapagatupanyu we an-asiayat atta losane somsomoḵyu.

Galatians 6:2

An-asibadang ḵayu nu awad andagson aḵ problemayu te nu ḵatti ḵoonyu, tinuttuwayu lintog Kristu.

1 John 3:23

Pun annaya imbilinna ḵan ditaḵu: Amati taḵu oḵyan ḵan Jesu Kristu we Abengna ya an-asiayat taḵu te siya imbilin Kristu ḵan ditaḵu.

1 John 4:21

Pun annaya imbilin Apudyus ḵan ditaḵu: Sa angay-ayat ḵan Apudyus, ḵasapuḻan ose ayatona da asintataguna.

James 2:8

Nu tuttuwaonyu da ḵapatogane Ugud Apudyus we impaigilina si awe ye ḵanana, “Ḵasapuḻane ayatom da asintatagume isun ni an-aayatnu'tte long-agnu.” Nu pasigyu unudon annae ugud, ambaḻu da ḵoonyu.

1 Thessalonians 3:12

Dog-an oḵyan Apu ayatyu ta lumay-as atta buḻunyu ya losane tagu we isun ni ayatni ye lummay-as ḵan diḵayu.

Romans 12:10

An-asiayat ḵayu we isun ni an-aayat da mismu we ansusunud. Ḵad ibelangyu da bubuḻunyu'ḵ napatpatog nu diḵayu.

2 John 1:5

Ḵad sinsadi annaya ibagaḵ, ḵodawoḵ ḵan siḵae patpatgoḵe ina. An-asiayat taḵu oḵyan. Daḵampun aḵ baru we bilin anna yaḵon sa inninggaw ḵan ditaḵu si inggan ni laplapu.

Galatians 6:10

Pun nu mawayaan taḵu pagatupan taḵu we angwa si ambaḻu'tta losane tagu, amod ay da susunud taḵu we namati.

1 John 3:11

Sa tuttudu we dingngoḻyu si inggan ni namatiyanyu, ḵasapuḻane an-asiayat taḵu.

Hebrews 13:1

Pagatupanyu we an-asiayate isun di ansusunud ḵan Kristu.

2 Thessalonians 1:3

Susunudḵu ḵan Kristu, ḵasapuḻane patilayun ḵani anggappiya ḵan Apudyus gapu ḵan diḵayu, ḵad mibagay nu ḵoonni ḵaḵna te pumigsapigsa da pammatiyu ḵad amo madog-adog-an ayat ni sin-ossaossa ḵan diḵayu we an-asiayat.

Galatians 5:22

Yaḵon sa ugali ye itton ni Ispiritu Santu ḵan ditaḵu ta ambalbaliw taḵu, dida da anna: ayat, layad, lin-awan ni somsomoḵ, anus, bumabbadang, ambaḻu ḵoona'tta asintataguna, mataḻgodan,

2 Peter 1:7

Losan atta sanat, sa naapudyusane antatagu dog-anyu ayat atta susunudyu we namati ya sa ayat os atta ngaimane tagu.

Colossians 1:4

te dingngoḻni mipanggob atte pammatiyu ḵan Jesu Kristu ya sa ayatyu'tta losane tagun Apudyus.

Galatians 5:6

Te sa niyossaanan taḵu ḵan Jesu Kristu, ippun paat nisabaliyana si antotollong Apudyus nu nasogyatan taḵu baḵon nu aditaḵupun. Yaḵon sa awad de patogna, sa pammati taḵu we mipaila si angayatan taḵu'tta buḻun taḵu.

John 17:21

Iluwaḻuḵe an-os-ossaanom dida losan. Ama, awadḵa ḵan saḵon ya awadaḵ ḵan siḵa ya awadda oḵyan os ḵan dita ta amati da tagu we siḵa nangibuun ḵan saḵon.

Matthew 5:44

Yaḵon ibagaḵ ḵan diḵayu we andongoḻ. Pagatupanyu ayaton da ḵabusuḻyu ya pagatupanyu iluwaḻuwan da amaḵaḻam ḵan diḵayu,

Romans 13:8

Bayadan taḵu da utang taḵu. Ḵad an-asiayat taḵu. Te sa angayat si asintataguna, tinuttuwana da Lintog Apudyus.

Romans 13:10

Te nu ayaton taḵu da asintatagu taḵu, adipun maḵwae ḵoon taḵu lawweng ḵan dida. Pun sa angay-ayatan taḵu'tta asintatagu taḵu, sadi bos anuttuwaan taḵu'tte lintog.