John 13:32 - Sa Ugud Apudyus

³² Ḵad nu midayaw aḵ Apudyus mipagapu ḵan siya, idayaw os Apudyus we mismu ya idayawnae dagus.

John 13:32 Referans Kwoze

Revelation 22:3

Ḵad naippun ogon aḻawage sa isun ni imbagan Apudyus atte awe. Sa tronon Apudyus ya sa Ubbu we Karnero, awad atte sanate siyudad ya da losane anserbi ḵan Apudyus, andaydayawda ḵan siya.

Revelation 22:1

Pun impailan ni anghel ḵan saḵon tawwange maḻpuwan ni danume angitod si biyag. Sa annae tawwang, sumilisilinge isunan kristal ḵad maḻpu'tte tronon Apudyus ya sa Ubbu we Karnero.

John 17:1

Inabus ḵad Jesus imbaga da anna, nantangad ad langit woḵ ḵanana, “Ama, dummatong timpu we padayawam Abengnu ta padayawana bos siḵa.

John 12:23

Ḵanan Jesus, “Saḵone Abeng Di Tagu, dummatong timpu we midayawaḵ.

Revelation 22:13

Saḵon nangadanan aḵ Alpha ḵan Omega te saḵon ummuna ya anguddidi. Saḵon os laplapu ya anungus da losan.”

Revelation 3:21

Da tagu we angngog si lawweng, ittaḵ dida'ḵ ḵaḻabbongane maḵatuḵdu ḵan saḵone ampangate isun ni nangngogaḵ ḵan Satan woḵ naḵatuḵduwaḵ ḵan Amaḵ atte tronona.

1 Peter 3:22

Nipauli'ḵ Kristu ad langit woḵ awad si madawinan Apudyus we maḵapangat ḵan siya ya ipangatana da losane anghel ya da udume adipun mailae ḵingwanae awad de saadda ḵan ḵabooḻanda.