John 13:22 - Sa Ugud Apudyus

²² Nan-asitollong da disipuluna te naippun igammuda nu ngai ḵan dida.

John 13:22 Referans Kwoze

Luke 22:23

Pun nan-asiimusda nu ngai ḵan dida angwa'tte ḵatti.

Mark 14:19

Bummaduuḻ da disipulu woḵ nasin-ossadae nangibaga ḵan siya ḵanane, “Daḵampun ḵan saḵon.”

Matthew 26:22

Amo bummaduuḻ da disipulu woḵ nasin-ossadae nangibaga ḵan siya ḵanane, “Apu, daḵampun ḵan saḵon.”

Matthew 26:21

Sa sadi ye angananda, ḵanan Jesus, “Ibagaḵ ḵan diḵayu ḵatuttuwaan, awad ḵan diḵayu osae angituyuḵ ḵan saḵon.”

Mark 14:18

Sa anḵaḵaḵananda ḵanan Jesus, “Ibagaḵ ḵan diḵayu ḵatuttuwaan, awad de osa ḵan diḵayu we maḵaḵane angituyuḵ ḵan saḵon.”

Luke 22:21

“Yaḵon ibagaḵ ḵan diḵayu we sa angituyuḵ ḵan saḵon, awad sinsadi ye maḵaḵan ḵan ditaḵu.

John 13:18

“Daḵampun aḵ ugudoḵe diḵayu losan te igammuḵ da piniliḵ. Yaḵon ḵasapuḻane mituttuwa Ugud Apudyus we ḵanana, ‘Sa ḵaubungḵu, siya angituyuḵ ḵan saḵon.’

John 13:21

Inabus ḵad Jesus imbaga da anna, an-aalimuun woḵ panoḵnoḵana'tta disipuluna ḵanane, “Ibagaḵ ḵan diḵayu ḵatuttuwaan, osa ḵan diḵayu angituyuḵ ḵan saḵon.”