John 13:19 - Sa Ugud Apudyus

¹⁹ Ibagaḵ ḵan diḵayu sinsadi si daanna maḵwaan ta maḵwa ḵad, amati ḵayu we saḵon.

John 13:19 Referans Kwoze

John 14:29

Sinsadi imbagaḵ da anna si daanda maḵwaan ta maḵwada ḵad, amati ḵayu.

John 16:4

Pinagatupan Jesus woḵ ḵanana'tta disipuluna, “Yaḵon imbagaḵ da anna ḵan diḵayu ta maḵwada ḵad si umali ye aḻgaw, iḵagasmoḵyu we imbagaḵ ḵan diḵayu. “Adiḵpun imbaga da anna ḵan diḵayu si laplapu te inninggawaḵ ḵan diḵayu.

John 8:58

Ḵanan Jesus, “Ibagaḵ ḵan diḵayu ḵatuttuwaan, sa daan Abraham miyanaḵan, inninggawaḵ.”

Matthew 24:25

Pun ḵasapuḻane sosomḵonyu te inggallapuḵ binagbagaan diḵayu si daanna maḵwaan.

Matthew 11:3

ta umoyda an-imus ḵan Jesus, ḵananda, “Siḵa pagay inkarin Apudyus we umali baḵon nu awad udum aḵ uuwayonni?”

John 1:15

Pinanoḵnoḵan John mipanggob ḵan siya woḵ ḵananae nangiyipḵaw, “Sana imbagabagaḵ ḵan diḵayu we awad de umun-unud ḵan saḵone nangatngatu te inggaw atte daanḵu mibuḵnagan.”

Luke 21:13

Ḵad sadi gundawayyu we angibaga si Ambaḻu we Damag ḵan dida.

John 4:26

Ḵanan Jesus, “Saḵone maḵaug-uggud ḵan siḵa sinsadi, saḵon sadi ye imbagame umali.”

John 8:28

Pun ḵanan Jesus, “Magangput ḵade itaḻayagyu saḵone Abeng Di Tagu atte kros, sadi angigammuwanyu we saḵone mismu sadi. Ḵad sadi bos angigammuwanyu we daḵampun aḵ buttungaḵ da losane ḵooḵ yaḵon da intuttudun Amaḵ da losane ibagaḵ.