John 13:10 - Sa Ugud Apudyus

¹⁰ Ḵanan Jesus ḵan siya, “Sa tagu we nan-amos, adipun ḵasapuḻane ambaḻbaḻ te ampoḻḵas long-agna. Abus da suḵina'ḵ ḵasapuḻane mabaḻbaḻan. Ampoḻḵas ḵayu yaḵon daḵampun aḵ losan ḵayu.”

John 13:10 Referans Kwoze

John 15:3

Pummoḻḵas ḵayu te tinuttuwayu ugude imbagaḵ ḵan diḵayu.

2 Corinthians 5:17

Pun ngaimane niyossaan ḵan Kristu, nambalinon Apudyus aḵ baru we naḵwa. Naippun ogon dadaane ḵinatataguna te napasantan si baru we biyag.

2 Corinthians 7:1

Susunudḵu ḵan Kristu we ay-ayatoḵ, gapu'tta sanae inkarin Apudyus ḵan ditaḵu, iginoḵ taḵu we angwa'ḵ lawweng ya iginoḵ taḵu we ansomsomoḵ aḵ lawweng. Sa matattaguwan taḵu, isipog taḵu'ḵ Apudyus ta bumaḻubaḻu naapudyusane antatagu taḵu.

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

James 3:2

Losan ḵan ditaḵu, adu angkamaliyan taḵu. Yaḵon sa tagu we ippun angkamaliyana'tte an-uugudna, naangsan te lamogna tupodon long-agna.

Hebrews 9:10

Yaḵon da annae tuttudu abuse mipanggob atta maḵan, mainum ya da kalasin da inon taḵu we amapoḻḵas si long-ag. Losan atta anna ḵasapuḻane mituttuwada inggana'ḵ dumatong timpu we baliwan Apudyus da losan.

1 Thessalonians 5:23

Papoḻḵapoḻḵason oḵyan Apudyus we puun ni lin-awa da biyagyu. Ḵad ayyuwanana oḵyan da somsomoḵyu, da ḵalidodwayu ya da long-agyu ta naippun mipabasuḻ ḵan diḵayu'tte umaliyan Apu Jesu Kristu.

Matthew 6:12

Ḵad pakawanom da basuḻni te pinakawanni bos da naḵabasuḻ ḵan diḵani.

John 13:9

Ḵanan Simon Peter, “Nu ḵaḵnat Apu, daḵampun aḵ abus da suḵiḵ aḵ baḻbaḻam yaḵon idogam os da imaḵ ya sa uḻuḵ.”

John 13:18

“Daḵampun aḵ ugudoḵe diḵayu losan te igammuḵ da piniliḵ. Yaḵon ḵasapuḻane mituttuwa Ugud Apudyus we ḵanana, ‘Sa ḵaubungḵu, siya angituyuḵ ḵan saḵon.’