John 12:28 - Sa Ugud Apudyus

²⁸ Pun ḵanana ḵan Apudyus, “Ama, ipailam ḵinadayawnu.” Pun inninggaw gingae naḻpu'd langite ḵanana, “Impailaḵ ḵinadayawḵu ḵad asiḵ os ipaila ḵasin.”

John 12:28 Referans Kwoze

Matthew 26:42

Pun ummoy os ḵasin aḵ Jesus nalluwaḻu woḵ ḵanana, “Ama, nu ḵasapuḻane maḵwa ḵan saḵon da sanae ampaḵaḻamaḵ, sa piniom maḵwa.”

Matthew 17:5

Sissiya ḵade an-uguugud, baag-en nalibuuwanda si ampaddapadda woḵ dingngoḻda gingae naḻpu'tte libuu we ḵanana, “Annaya ay-ayatoḵe abengḵu ya siya masmas-omaḵ. Dongngonyu da ibagana.”

Matthew 3:17

Baag-en ḵanan ni gingae naḻpu'd langit, “Annaya Abengḵu we ay-ayatoḵ ya mamas-omaḵ ḵan siya.”

2 Peter 1:17

Te diḵani da buḻunna'tte beleg Apudyus si nangidayawan ya nangipatogan Apudyus we Ama ḵan siya ya sa nangipail-ana si sumilisilinge ḵinaapudyusna. Dingngoḻni ye mismu gingan ni maḵabooḻe Apudyus we naḻpu'd langite ḵanana, “Annaya ay-ayatoḵe Abengḵu we mas-omaḵ.”

Ephesians 3:10

Sadi panggob Apudyus we mipagapu ḵan ditaḵu we namati, igammuwon da losane adipun mailae ampangat ya anna ḵabooḻanda ḵinalaing Apudyus we nipaila si nansabasabali ye inon.

Ephesians 2:7

Ḵingwan Apudyus da sana ta ipailana'tte losane timpu ummamdane ḵinabaḻuna ya an-anggom ḵan ditaḵu mipagapu ḵan Jesu Kristu.

John 18:11

Ḵanan Jesus ḵan Peter, “Ipaulim ispadam si bolbolloyna. Ḵanampun ḵamman nu adiḵ maanusan ampaḵaḻamane inḵoddong Amaḵ?”

John 11:4

Dingngoḻ ḵad Jesus ḵanana, “Sa sanate saḵit, daḵampun aḵ miḵatoy yaḵon ambanag si midayawan Apudyus ta sa Abeng Apudyus midayaw gapu'tte sanat.”

John 9:3

Ḵanan Jesus, “Daḵampun aḵ basuḻna baḵon nu da sin-abeng. Yaḵon naḵwa anna ḵan siya ta mipaila ḵabooḻan Apudyus we angaan atte ḵuḻapna.

Luke 9:35

Pune sadi, dingngoḻda gingae naḻpu'tte libuu we ḵanana, “Annaya abengḵu we piniliḵ. Dongngonyu da ibagana.”

Luke 3:22

Pun dummoḻa Ispiritu Santu we isunan kalapati woḵ nansap-oy ḵan siya. Ḵanan ni gingae naḻpu'd langit, “Siḵa Abengḵu we ay-ayatoḵ ya masmas-omaḵ ḵan siḵa.”

Mark 14:36

Ḵanana, “Ama, lamognu ḵoon da ngaiman, nu maḵwa oḵyan, iligsim saḵon si annae ampaḵapaḵaḻamaḵ. Yaḵon daḵampun si pinioḵ maḵwa yaḵon sa piniom.”

Mark 9:7

Pune sadi nannaḵunaḵ libuu ḵan dida pun dingngoḻda gingae naḻpu'tte libuu we ḵanana, “Annaya Abengḵu we ay-ayatoḵ. Dongngonyu da ibagana.”

Mark 1:11

Pun dingngoḻna gingae naḻpu'd langite ḵanana, “Siḵa abengḵu we ay-ayatoḵ ya mamas-omaḵ ḵan siḵa.”

Matthew 11:25

Sa sadi ye timpu, ḵanan Jesus we nalluwaḻu, “Ama, ipangatam da losan sina'd luta ya ad langit. Anggappiyaaḵ ḵan siḵa te adimpun impaigammu ḵatuttuwaan atta nalalaing ḵan naadaḻane tagu, siya nangipaigammuwam da napakumbaba ya da antaḻgode isudan abeng.

Matthew 11:26

On, ḵingwam ḵaḵna te siya piniom.”