John 11:54 - Sa Ugud Apudyus

⁵⁴ Pun adipun ogon aḵ Jesus umoy ampaila'tte maḻamaḻang atta Judyu yaḵon ummoy atte ili'd Ephraim we adani si bumbummaaw. Naḵaigaw sidi atta disipuluna.

John 11:54 Referans Kwoze

John 7:1

Nagangput ḵad sadi, ummoy aḵ Jesus atta nampaliḵwose ili'tte probinsiya'd Galilee. Adinapun pione umoy atte probinsiya'd Judea te singsington da papangat da Judyu inondae angongat ḵan siya.

John 7:4

Ḵad nu ḵoom da sana, ilan da losane tagu si lubung ta igammuwonda. Te naippun tagu'ḵ itataḻuna ḵoona nu pionae ipaigammu ḵinatataguna.”

John 18:20

Ḵanan Jesus, “Patilayunaḵ antuttudu si maḻamaḻang atte sinagoga ya sa paway ni templo we andaḵdaḵngan da losane Judyu. Ḵad naippun imbagaḵ aḵ nitataḻu.

John 10:40

Pune sadi, dummoḻmang ḵasin aḵ Jesus atte tawwang Jordan si lugar we nambonyagan John atte awe woḵ inninggaw sina.

John 7:13

Yaḵon adidapun indangsoḻe angug-uggud si mipanggob ḵan siya te maḵimutda'tta papangat da Judyu.

John 7:10

Yaḵon ḵesan ḵad da sunud Jesus we ummoy naḵagayagaya'd Jerusalem atte Gayagayan da Judyu we ngannonda Sigay, ummoy os aḵ Jesus yaḵon adipun nampappaila.