John 11:44 - Sa Ugud Apudyus

⁴⁴ Pun tummoḵwaḻ aḵ Lazarus we nabadabadan da imana ya da suḵina si sinnun ya nabusdung uḻuna si sinnun. Ḵanan Jesus, “Uḵasanyu badabadna ta anaddaḻan.”

John 11:44 Referans Kwoze

John 5:25

Ibagaḵ ḵan diḵayu ḵatuttuwaan, dummatong timpu we dongngon da natoy gingan ni Abeng Apudyus, ḵad da andongoḻ ya amati mataguda'ḵ inggana.

John 20:7

ya sa sinnune nibusdung si uḻunae natipli ya nisina'tta sinnune babaddong.

Philippians 3:21

Ambalinona da ḵaddagu ya matoye long-ag taḵu aḵ isun ni long-agnae adipun pulus matoy ya ambaḻubaḻu we long-ag. Ḵad maḵwae ḵoona sadi gapu si ummamdane ḵabooḻanae angawis atta losan ta paipangatda ḵan siya.

John 10:30

Saḵon ya aḵ Amaḵ, ossaan ḵani.”

John 5:21

Te nu tinagun Amaḵ da natoy ya ittana dida si biyag, taguwoḵ ose Abengna ya ittaḵ os si biyag da pioḵ.

Luke 7:15

Pun sa sadi ye natoy, natanuḵdu woḵ gumminga. Ḵanan Jesus atte inana, “Anna abengnu.”

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.

John 19:40

Pun innaḻada ladag Jesus woḵ pinutiputanda'tte itaḵe sinnune nabangbangluwan te siya ugalin da Judyu.

Mark 5:43

Imbilibilin Jesus ḵan didae adida ug-uggudon atta ngaiman da naḵwa woḵ ḵanana bos, “Ittanyu'ḵ ḵanona.”

John 20:5

Pun ummobaob ta ilana'd daḻom woḵ innilana sinnune babaddong yaḵon adipun nillumnoḵ.

John 11:39

Ḵanan Jesus, “Ḵaanonyu sanate batu.” Ḵanan Martha we sunud Lazarus, “Apu! Ambuyuḵ te ḵapat aḻgawnae nilibon.”

Luke 19:20

“Pun ummoy os ḵumaḵlu woḵ ḵanana, ‘Apu Ari, annaya innatodnu we pilaḵ. Binusdongḵu si luput woḵ inggappotḵu,

John 11:43

Inabusna ḵad imbaga anna, indangsoḻna ḵanane nampoḵaw, “Lazarus, tumoḵwaḻḵa!”