John 11:42 - Sa Ugud Apudyus

⁴² Inigammuḵe pasige dongngom saḵon yaḵon ibagaḵ sana mipagapu'tta annae tagu we ataḵtaḵdog ta amatidae siḵa nangibuun ḵan saḵon.”

John 11:42 Referans Kwoze

John 3:17

Imbuun Apudyus abengna si lubunge daḵampun aḵ dusaona da tagu gapu'tta basuḻda. Yaḵon imbuunna ta taguwona dida si sadi ye madusaanda.

John 17:21

Iluwaḻuḵe an-os-ossaanom dida losan. Ama, awadḵa ḵan saḵon ya awadaḵ ḵan siḵa ya awadda oḵyan os ḵan dita ta amati da tagu we siḵa nangibuun ḵan saḵon.

1 John 4:14

Ḵad innilani ḵan panoḵnoḵanni ye imbuun Apudyus we Ama Abengna aḵ anagu'tta tagu si annae lubung.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

Hebrews 5:7

Sa inninggawan Jesus si annae lubung, indangsoḻna iyyibile nalluwaḻu ḵan nanḵodaw ḵan Apudyus we ḵallamog anagu ḵan siya si ḵatoy. Pun dingngoḻ Apudyus luwaḻuna te tummuttuwa ya impakumbabana long-agna.

Romans 8:3

Sa lintog daḵampun aḵ lamogna ditaḵu puḵayan atte ḵabooḻan ni basuḻ te tagu taḵu we abuse aditaḵupun lamog tuttuwaon da imbilin ni lintog. Yaḵon ḵingwan Apudyus adimpun ni lintog lamog ḵoon. Imbuunna abengnae isun da tagu we ḵabasbassuḻan ta maḵoddongan aḵ madusa para'tta basuḻ taḵu. Ḵad sadi inon Apudyus we nangaan atte ḵabooḻan ni basuḻe anturay atta tagu.

John 20:31

Yaḵon nigili da anna ta amati ḵayu we aḵ Jesus siya Kristu we Abeng Apudyus ḵad sa amatiyanyu awad ḵan diḵayu biyag gapu ḵan siya.

John 17:25

“Naun-unane Ama, da tagu we adipun namati adidapun inigammu siḵa yaḵon inigammuḵ siḵa ya da disipuluḵ igammudae siḵa nangibuun ḵan saḵon.

John 17:8

Te intuttuduḵ ḵan dida ugudnu we innatodnu ḵan saḵon woḵ tinuttuwada. Igammuda ḵatuttuwaane naḻpuwaḵ ḵan siḵa ḵad namatidae siḵa nangibuun ḵan saḵon.

John 11:22

Yaḵon taḵon ay sinsadi, igammuḵe itton Apudyus da ngaimane ḵodawom ḵan siya.”

Matthew 26:53

Adimpun ḵamman igammu we maḵwa ampabadangaḵ ḵan Apudyus we amaḵ ḵad daguse nangibuun aḵ ḵalibulibu we anghel?

Galatians 4:4

Yaḵon dummatong ḵad ustu we timpu we inḵoddong Apudyus, imbuunna abengna ta miyanaḵ atte bubai. Niyanaḵe Judyu we paituray atte lintog.

John 11:31

Da Judyu we inninggaw ḵan Mary si boḻoye nalliwliwa ḵan siya, innilada ḵade natanaḵdog woḵ lummawa, tinun-udda te ḵanandapun nu umoy umibil si libon.

John 8:42

Ḵanan Jesus, “Nu Amayu oḵyan aḵ Apudyus, ayatonyu saḵon te naḻpuwaḵ ḵan siya ya annaaḵ sinsadi. Daḵampun aḵ ḵasomsomḵaḵ ummaliyaḵ yaḵon imbuun Apudyus saḵon.

John 8:29

Sa nangibuun ḵan saḵon, anna ḵan saḵon. Adinapun saḵon iwwaḻang te pasige ḵooḵ da mas-omana.”

John 8:16

Yaḵon taḵon ay nu anḵuwisaḵ, ustu anḵuḵuwisḵu te daḵampun aḵ saḵone abus anguwis yaḵon diḵani ḵan Amaḵ we nangibuun ḵan saḵon.

John 11:43

Inabusna ḵad imbaga anna, indangsoḻna ḵanane nampoḵaw, “Lazarus, tumoḵwaḻḵa!”

John 12:11

Te adu da Judyu we summina ḵan dida woḵ namatida ḵan Jesus mipagapu ḵan Lazarus we tinagun Jesus.

John 12:17

Da amode tagu we inninggaw ḵan Jesus we nangila si namaḻawaana ḵan Lazarus atte libonna woḵ tinaguna, tinaḵdoḻanda.