John 11:39 - Sa Ugud Apudyus

³⁹ Ḵanan Jesus, “Ḵaanonyu sanate batu.” Ḵanan Martha we sunud Lazarus, “Apu! Ambuyuḵ te ḵapat aḻgawnae nilibon.”

John 11:39 Referans Kwoze

John 11:17

Dummatongda ḵad ad Bethany, inigammun Jesus we opat aḻgaw naḻaḵpus si nilibonan Lazarus.

Mark 16:3

Sa inggawanda si daḻan, ḵanandae nan-asiimus, “Ngai alligad si batu we onob ni liyang?”

Philippians 3:21

Ambalinona da ḵaddagu ya matoye long-ag taḵu aḵ isun ni long-agnae adipun pulus matoy ya ambaḻubaḻu we long-ag. Ḵad maḵwae ḵoona sadi gapu si ummamdane ḵabooḻanae angawis atta losan ta paipangatda ḵan siya.

Acts 2:27

Te adimpun iwaḻang ḵalidodwaḵ ad Hades we igaw da natoy. Ḵad adimpun os iyunud loposon long-ag ni mismu we sammilum.

Acts 13:36

Te aḵ Ari David, inabusna ḵad ḵingwa da pinion Apudyus si matattaguwana, natoy. Illibonda si nilibonan da danaḵḵoḻna woḵ naḻpos long-agna.

2 Corinthians 2:16

Da daḵampun aḵ namati, sa ḵatuttuwaan mipanggob ḵan Kristu, isunan ambuyubuyuḵ anungsunganda te sa nangidiyananda siya gapun ni madusaanda si ḵatoy aḵ inggana. Ḵad da namati si ḵatuttuwaan mipanggob ḵan Kristu, isunan ambangubangu anungsunganda te sa amatiyanda gapun ni mataguwanda'ḵ inggana. Pun ngai maḵabooḻ angwa'tte ḵaḵnae ḵewaaḻ?