John 11:2 - Sa Ugud Apudyus

² Aḵ Mary ḵad, siya nangisig atte bangbanglu we lana'tte suḵin Jesus woḵ pinunasana bos si buuḵna.

John 11:2 Referans Kwoze

John 12:3

Nangwa ḵad aḵ Mary, innaḻana gogwan di litro we napan-ige nard we sa ampatopatoge bangbanglu. Ḵingwana ḵad, inisigna'tta suḵin Jesus woḵ pinunasana'tte buuḵna. Pun nangalliwoḵ banguna si boḻoy.

Mark 14:3

Sa inninggawan da Jesus ad Bethany, naḵaḵanda'ḵ ḵuwanda Simon we naleprosy si awe. Nanḵaḵaḵanda ḵad, dummatong bubai ye innawitna napan-ige nard we ampatoge bangbanglu we naigga si ban-oge angange alabaster. Bintaḵna suḵop ni angang woḵ inisigna si uḻun Jesus.

Luke 7:13

Aḵ Jesus ḵad si innilana baḻu, amod de daguna woḵ ḵanana ḵan siya, “Agaynu we umibil.”

Luke 7:19

woḵ imbuunna dida ḵan Jesus ta ḵanandae an-imus, “Siḵa ḵamman inkarin Apudyus we umali baḵon nu awad udum aḵ uwayonni?”

John 11:3

Gapu ḵad ta nasaḵit aḵ Lazarus, nangibuun da ansunud aḵ umoy angibaga ḵan Jesus ḵanane, “Apu, nasaḵit ay-ayatome buḻbuḻunnu.”

John 11:21

Ḵanan Martha ḵan Jesus, “Apu, nu inninggawḵa sina, adipun oḵyan sunudḵu natoy.

John 11:32

Dummatong ḵad aḵ Mary si igaw Jesus, nanalluḵu si sinagungna woḵ ḵanana, “Apu, nu inninggawḵa sina, adipun oḵyan sunudḵu natoy.”

John 13:13

Ngannonyu saḵon Mistulu ya Apu ḵad tuttuwa sanate imbagayu.

John 13:14

Pun nu saḵone Apuyu ḵan Mistuluyu namaḻbaḻ atta suḵiyu, ḵasapuḻane an-asibaḻbaḻ ḵayu.