John 11:1 - Sa Ugud Apudyus

¹ Inninggaw laḻaḵi ye nasaḵite nangngadan aḵ Lazarus ad Bethany ye ilin da Mary ḵan Martha we sunudna.

John 11:1 Referans Kwoze

John 12:17

Da amode tagu we inninggaw ḵan Jesus we nangila si namaḻawaana ḵan Lazarus atte libonna woḵ tinaguna, tinaḵdoḻanda.

John 12:9

Dingngoḻ ḵad da aduadu we Judyu we dummatong aḵ Jesus ad Bethany, ummoyda sidi. Yaḵon daḵampune abus aḵ Jesus aḵ umoyda ilan nu adi pionda bos umoy ilan aḵ Lazarus we tinagun Jesus.

John 11:11

Ginangputna ḵad imbaga da sana ḵanana, “Aḵ Lazarus we buḻbuḻun taḵu nasuyop yaḵon iyyaḵ bangonon.”

Matthew 21:17

Pun tinenan Jesus dida woḵ ummoy ummiyan ad Bethany.

Acts 9:37

Sa sadi ye timpu, nasaḵit aḵ Tabitha woḵ natoy. Inamosda woḵ ummoyda pinaobog si kuwartu'd ngatu.

John 11:3

Gapu ḵad ta nasaḵit aḵ Lazarus, nangibuun da ansunud aḵ umoy angibaga ḵan Jesus ḵanane, “Apu, nasaḵit ay-ayatome buḻbuḻunnu.”

Mark 11:1

Madam-an ḵad da Jesus ad Jerusalem, dummatongda'tte domangna'd Bethphage ya ad Bethany atte pon-ad ni Beleg Olives. Pun pinaunana da duwa'tta disipuluna.

John 11:18

Ad Bethany adani'd Jerusalem, sa bootna umoye taddaḻanon ni osa si adipun masin-orasan.

John 11:19

Pun adu da Judyu we ummoy nalliwliwa ḵan da Mary ḵan Martha mipanggob si sunudda.