John 10:28 - Sa Ugud Apudyus

²⁸ Ittoḵ ḵan dida biyag aḵ inggana ta adidapun misina ḵan Apudyus aḵ inggana ya naippun paat maḵapuḻos ḵan dida ḵan saḵon.

John 10:28 Referans Kwoze

John 6:37

Da losane tagu we intaḻgod Amaḵ ḵan saḵon, dida bos da umali ḵan saḵon. Ḵad ngaimane umali ḵan saḵon, adiḵpun paat paḻyawon.

Hebrews 7:25

Pun sadi gapunae maḵwae taguwona si losane timpu da umadani ḵan Apudyus mipagapu ḵan siya te siya matattagu'ḵ ingganae angiyugud ḵan ditaḵu si sinagung Apudyus.

Romans 8:29

Te da pinilin Apudyus misaḻad atte laplapu, inunana dida dinutuḵan aḵ ambalin aḵ isun Jesu Kristu we Abengna ta aḵ Jesus nambalin aḵ panguḻu'tta adu we susunud ḵan Kristu.

John 18:9

Imbagana sana ta mituttuwa sadi ye inugudnae naippun ossaan aḵ tinaḻaḵḵu'tta innatod Apudyus ḵan saḵon.

Philippians 1:6

Anggappiyaaḵ os te iniiggammuḵe aaddi ye aḵ Apudyus we nangisaḻad si ambaḻu we ḵoona'tta biyagyu, siya bos amagapagatup inggana'ḵ magangput atte ḵasine umaliyan Jesu Kristu.

1 John 2:25

Ḵad sana inkarin Kristu we ittona ḵan ditaḵu biyag aḵ inggana.

John 4:14

Yaḵon sa uminum atte danume ittoḵ, adipun ogon mauwaw. Te ambalin aḵ isunan bubune bumubus si long-agnae angitod si biyag aḵ inggana.”

Romans 8:1

Pun sinsadi ḵan ditaḵu losane nidoga ḵan Jesu Kristu, aditaḵupun maḵoddongan aḵ madusa.

Jude 1:24

Madaydayaw oḵyan os-ossaane Apudyus we anagu ḵan ditaḵu mipagapu ḵan Jesu Kristu we Apu taḵu. Lamogna saḻaḵniban diḵayu ta adi ḵayu maḵabasuḻ ya ippun madellaw ḵan diḵayu nu pasiḵadona diḵayu si sinagungna. Ḵad maganasan ḵayu we angitotollong atte sumilinge ḵinaapudyusna. Madaydayaw te siya ḵangatuwan ḵan maḵabooḻe Apudyus we naippun ḵigad ni ḵaḻabbongana inggan ni laplapuna, sinsana ya aḵ inggainggana. Amen.

John 17:2

Te innatodnu ḵan saḵon ḵaḻabbongane angipangat atta losane tagu ta ittoḵ biyag aḵ inggana'tta losane innatodnu ḵan saḵon.

John 5:24

“Ibagaḵ ḵan diḵayu ḵatuttuwaan, ngaimane amati'tta ugudḵu ya amati'tte nangibuun ḵan saḵon, awad ḵan siya biyag aḵ inggana. Adipun ogon maḵuwis te illasatna dusa woḵ awad ḵan siya biyag aḵ inggana.

1 John 2:19

Da annae sumusullagi ḵan Jesu Kristu, buḻun taḵu dida'tte ḵesane aḻgaw yaḵon daḵampun aḵ tuttuwae buḻun taḵu dida si pammati, siya gapun ni summinaanda ḵan ditaḵu. Te nu tuttuwae buḻun taḵu dida, sissiyae awadda oḵyan ḵan ditaḵu. Yaḵon summinada ḵan ditaḵu ta mipailae daḵampun aḵ tuttuwae buḻun taḵu dida.

1 John 5:11

Annaya pinanoḵnoḵana: Innatod Apudyus ḵan ditaḵu biyag aḵ inggana ḵad sa Abengna maḻpuwan ni sanae biyag.

Jude 1:21

Popotpotanyu ayat Apudyus ḵan diḵayu si anguuwwayanyu si biyag aḵ inggana'd langite itton Jesu Kristu we Apu taḵu gapu si ḵadaguna.

1 Peter 1:5

Gapu'tte ḵabooḻan Apudyus, ayyuwanana diḵayu mipagapu'tte pammatiyu ḵan siya inggana'ḵ mituttuwa anaguwana ḵan diḵayu. Inabusna insagana sanate mataguwane ipailana nu anungus ni timpu.

John 11:25

Ḵanan Jesus, “Saḵon anagu ḵasin atta natoy ya angitod atte biyag aḵ inggana. Ḵad ngaimane amati ḵan saḵon, taḵon ay nu matoy, matagu'ḵ inggana.

Jude 1:1

Saḵon aḵ Jude we sammilun Jesu Kristu ya sunud James. Annaya suḻatḵu ḵan diḵayu we napili ya ay-ayaton Apudyus we Ama ya sinaḻaḵnibana inggana si mipauliyan Jesu Kristu.

2 Thessalonians 2:13

Yaḵon ḵan diḵayu susunudḵu ḵan Kristu we ay-ayaton Apu, ḵasapuḻane pagapagatupanni ye anggappiya ḵan Apudyus gapu ḵan diḵayu. Te inggana'tte damu, pinilin Apudyus diḵayu'ḵ matagu mipagapu'tte Ispiritu Santu we nangitotoḵḵon ḵan diḵayu'ḵ tagun Apudyus ta bumaḻu ugaliyu ya mipagapu'tte pinatiyu ḵatuttuwaan mipanggob ḵan Jesu Kristu.

John 3:36

Ḵad ngaimane tumuttuwa gapu si amatiyana'tte Abengna, maatod ḵan siya biyag aḵ inggana. Yaḵon sa adipun tumuttuwa gapu si adinapun amatiyan atte Abengna, ippun ḵan siya biyag aḵ inggana yaḵon sa sangan Apudyus iinggaw ḵan siya.

2 Timothy 1:12

ḵad sadi gapun ni ampaḵapaḵaḻamaḵ. Yaḵon adiyaḵpun mabain te igammuḵ pinatiḵe awad de ḵabooḻanae angayyuwan atta intaḻgodna ḵan saḵon inggana'ḵ dumatong aḻgawe ḵasin umali'ḵ Kristu.

Romans 5:21

Yaḵon naḵabasuḻ da losane tagu ḵad sa ambanaganda matoyda ya misinada ḵan Apudyus aḵ inggana. Sinsadi gapu'tte ḵinabaḻuna'tta tagu ya mipagapu'tte ḵingwan Jesu Kristu we Apu taḵu, aḵ Apudyus angwa si maun-unan da tagu ta mataguda'ḵ inggana.

1 Timothy 1:16

Yaḵon sadi gapunae ḵinadaguwanaḵ ta ipailan Jesu Kristu we ippun isun ni anusna ḵan saḵone paate ḵabasbassuḻan. Ḵingwana ḵatti ta ilan da tagu ya amatida bos ḵan siya ya maḵwae awatonda biyag aḵ inggana.

Romans 6:23

Te sa bayad ni basuḻ siya ḵatoy. Yaḵon sa libli ye atod Apudyus siya biyag aḵ inggana mipagapu si niyossaanan taḵu ḵan Jesu Kristu we Apu taḵu.

Romans 5:17

Tuttuwae gapu'tte basuḻ ni ossaane tagu, ḵasapuḻane matoy da losane tagu. Yaḵon amo daldallu nambanagan ni ḵingwan Jesu Kristu. Te da losane umawat atte ummamdane ḵinabaḻun Apudyus ya sa libli ye atodna, siya angwa ḵan dida'ḵ maun-unan ḵad awatonda biyag aḵ inggana ya midogada ḵan Kristu we ampangat aḵ inggana.

Romans 5:2

Gapu si pammati taḵu ḵan siya, nidoga taḵu si ḵinabaḻun Apudyus we laḵlaḵ-amon taḵu sinsana ḵad allaylayad taḵu te namnamaon taḵu we midoga taḵu si ḵinangatun Apudyus.

Acts 7:59

Sa amatubatuwanda ḵad ḵan Stephen, nalluwaḻu woḵ ḵanana, “Apu Jesus, awatom ḵalidodwaḵ.”

John 14:19

Sin-aḵitan ya da tagu we adipun amati naippun ogon ilanda ḵan saḵon yaḵon diḵayu asiyu ilan saḵon. Te mataguwaḵ ḵasin ya matagu ḵayu bos.

John 6:47

Ibagaḵ ḵan diḵayu ḵatuttuwaan, ngaimane amati ḵan saḵon, awad ḵan siya biyag aḵ inggana.

John 6:27

Adiyu gamgaman maḵane madadail yaḵon siya oḵyan gamgamanyu maḵane angitod si biyag aḵ inggana. Ḵad saḵone Abeng Di Tagu angitod atte sadi ye maḵan ḵan diḵayu te ummapyu'ḵ Apudyus we Amaḵ ḵan saḵon.”

Romans 5:9

Pun gapu ta ginangput Apudyus ditaḵu ḵingwa'ḵ naun-unan mipagapu'tte daḻan Kristu we pummoy-as atte natoyana, aaddi ye igammu taḵu we mipagapu ḵan Kristu matagu taḵu'tte anguwisan Apudyus atta tagu.

John 6:68

Ḵanan Simon Peter we summongbat, “Apu, ngai unudonni nu? Annat ḵan siḵa da ugude angitod atte biyag aḵ inggana.

Luke 23:46

Napapḵaaw aḵ Jesus woḵ ḵanana, “Ama, itaḻgodḵu ḵalidodwaḵ ḵan siḵa.” Imbagana ḵad sadi, naḵaan angosna.

Mark 13:22

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus, nu maḵwa.

John 10:29

Aḵ Amaḵ we nangitod ḵan dida ḵan saḵon, siya ḵangatuwan atta losan. Pun naippun ḵallamog maḵapuḻos ḵan dida ḵan Amaḵ.