John 10:13 - Sa Ugud Apudyus

¹³ Umawid sadi ye tagu te abuse matangdanan ya adinapun biyangan da karnero.

John 10:13 Referans Kwoze

Philippians 2:20

Ibuunḵu te siya abus aḵ buḻunḵu we angisaḵit ḵan diḵayu, naippun udum aḵ igammuḵ.

John 12:6

Yaḵon inugudna ḵatti ye daḵampun aḵ gapu ta madagu'tta ḵapus nu adi gapu ta aḵḵawan. Te siya nangdon si pilaḵda ḵad dam-on angaḻa si nauppun.

Acts 18:17

Pun dinoḵmaanda'ḵ Sosthenes we pangat ni sinagoga woḵ inap-aplitda si paway ni dadaḻḻuman yaḵon adimpun Gallio pulus biniyangan dida.

John 10:12

Sa matangdanane antangḵon, nu awad ilana'ḵ atape asu aḵ angiduḵḵus atta karnero, tenana dida ya umawid te daḵampun aḵ siya gattoḵe antangḵon ya sinḵuwa'tta karnero. Ḵad sa atape asu, iduḵḵusna doḵmaan dida ya umasbuḵda.

John 10:14

Saḵon ambaḻu we antangḵon atta karnero. Igammuḵ da karneroḵ ya igammuda bos saḵon.

1 Corinthians 7:32

Sa pioḵ, ippun oḵyan ambinsawanyu. Sa laḻaḵi ye ippun asawana, ipapatina oḵyane angwa'tta banage paḵwan Apu ḵan siya ḵad siya sosomḵona inonae angwa'tta mas-oman Apudyus.

1 Corinthians 7:33

Yaḵon sa laḻaḵi ye naasaw-an, siya sosomḵona mipanggob atte mabiyagan atte annae lubung ya sa mas-oman ni asawana,