John 1:43 - Sa Ugud Apudyus

⁴³ Mabigat ḵad, simsimmoḵ Jesus we umoy atte probinsiya'd Galilee. Indasana'ḵ Philip woḵ ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.”

John 1:43 Referans Kwoze

John 14:8

Ḵanan Philip, “Apu, ipailam ud ḵan diḵani'ḵ Amam ta mat-op ḵani.”

Matthew 9:9

Unipun atte ummoyon aḵ Jesus, innilana osae andadagup atta bugise nangngadan aḵ Matthew we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Lummibbat ay aḵ Matthew woḵ nitun-ud ḵan siya.

John 12:21

Ummoyda ḵan Philip we iBethsaida we osae ili'tte probinsiya'd Galilee woḵ ḵananda, “Apu, pionni ye ilan aḵ Jesus.”

1 John 4:19

Ayaton taḵu da udum te ummunae inayat Apudyus ditaḵu.

John 6:5

Nammotwa ḵad aḵ Jesus, intapna da amode tagu we ḵumatam ḵan dida. Ḵanana ḵan Philip, “Dinu ngumin-an taḵu'ḵ ḵanonda?”

Philippians 3:12

Adiḵpun ḵanane ginangputḵu inawat da sana baḵon nu ḵanane ippun angkurangaḵ sinsana. Yaḵon iggaḵ losane ḵabooḻaḵ ta gun-udoḵ gunguna ta mituttuwa panggob Jesu Kristu si nambalinona saḵon aḵ taguna.

John 1:28

Naḵwa da anna'd Bethany atte biiḵ ni tawwang Jordan we sa nambonyagan John atta tagu.

Luke 19:10

Te saḵone Abeng Di Tagu, ummaliyaḵ ta iyyaḵ sington ḵan taguwon da nataḻaḵe tagu.”

Matthew 10:3

da Philip, Bartholomew, Thomas, aḵ Matthew we andadagup atta bugis, aḵ James we abeng Alphaeus, aḵ Thaddaeus,

John 6:7

Ḵanan Philip ḵan siya, “Taḵon ay duwanggasute palata adinapun lamog mingina'ḵ tinapay aḵ maḵaḻnob ḵan dida taḵon ay nu sin-aḵ-itanda.”

John 1:35

Mabigat ḵad, inninggaw da John ya da duwae disipuluna'tte biiḵ ni tawwang Jordan.

Matthew 4:12

Dingngoḻ ḵad Jesus we nibaḻud aḵ John we ambobonyag, nipauli'tte probinsiya'd Galilee.

Matthew 8:22

Ḵanan Jesus ḵan siya, “Tun-udonaḵ. Awad da adipun amati ḵan saḵone isudan natoy, dida asi umoy angilibon atta natoyda.”

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

John 1:44

Aḵ Philip ḵad iBethsaida we sa ilin da Andrew ḵan Peter.

John 2:11

Sa annae ḵingwan Jesus ad Cana we ili'tte probinsiya'd Galilee, sana ummunae nakaskasdaawe sinyale nangipail-ana'tte ḵinaapudyusna. Pune sadi, namati da disipuluna ḵan siya.

John 1:37

Dingngoḻ ḵad ay da duwae disipulu imbagan John, nitun-udda ḵan Jesus.