James 5:9 - Sa Ugud Apudyus

⁹ Susunudḵu ḵan Kristu, adi ḵayu an-asingonot ta adin Apudyus diḵayu ḵuwison te madam-an dumaḵngan ni ḵangatuwane ḵuwis da losane tagu.

James 5:9 Referans Kwoze

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

James 4:11

Susunudḵu ḵan Kristu, adi ḵayu an-asiamsew. Nu amsewonyu asintataguyu baḵon nu ḵuwisonyu dida, amsewonyu ya ḵuwisonyu lintog. Nu ḵuwisonyu, adiyupun ogon tuttuwaon lintog yaḵon nambalin ḵayu'ḵ ḵuwis.

Matthew 24:33

Ḵad nu ilanyu bose maḵwa da losane imbagaḵ, igammuyu we madam-an mipauliyaḵ.

1 Peter 4:9

Ḵad an-asimangili ḵayu oḵyane ippun ngonot.

Galatians 5:26

Adi taḵu oḵyan itaḻayag da long-ag taḵu ya adi taḵu oḵyan os ḵoon da banage angay-ay aḵ maḵapatoyanda ḵan ditaḵu ya adi taḵu an-asiapaḻ.

1 Peter 4:5

Yaḵon songbatanda ḵan Apudyus we naḵasaganae anguwis atta losane tagu we matattagu ya da natoy.

Galatians 5:14

Te da losane bilin atte lintog, namungimung atte annae ossaane biline ḵanana, “Ḵasapuḻane ayatom da asintatagume isun ni an-aayatnu si long-agnu.”

1 Corinthians 10:11

Naḵwa losan da sana'tta iyIsrael ta mabagbagaan da udume tagu ḵad nigilida bos ta mabagbagaan taḵu. Te anna taḵu'tte timpu we madam-an anungus ni timpu.

Mark 13:29

Ḵad nu ilanyu bose maḵwa da losane imbagaḵ, igammuyu we madam-an mipauliyaḵ.

2 Corinthians 9:7

Pun awad osa ḵan diḵayu ḵasapuḻane sosomḵona nu ngai piona ittone maḻpu si pusunae ippun oḵyan dadaulina ḵan daḵampun aḵ mapatute angitod. Te ayaton Apudyus allaaye angitod.

Mark 6:19

Sadi amo dummalluwan ni sangan Herodias ḵan John woḵ pionae pagongat. Yaḵon adinapun lamog,

Revelation 3:20

Dongngonyu, annaaḵe sumisiḵad ya anḵugḵugḵug atta sawang da boḻoyyu. Nu awad angngoḻ atte gingaḵ ya buḵatana lewangan, lumnoḵaḵ ya an-ubung ḵani ye angan.

James 4:12

Abus aḵ Apudyus aḵ nangitod atte lintog ḵan siya abus aḵ ḵuwis. Siya abus aḵ ḵallamoge anagu ḵan anadail. Pun ngaiḵa ḵammane anguwis si asintatagum?

James 5:7

Pun diḵayu we susunudḵu ḵan Kristu, ḵasapuḻane anusanyu da losane ampaḵaḻamanyu inggana'tte umaliyan Apu. Sosomḵonyu ḵad da mammaumae anusanda uuwayon umudanana ta ammuḻada ya anusanda bos uwayon umudanana ta dumaḵoḻ da ampatoge immuḻada inggana'ḵ dumatong an-apitanda.

James 5:10

Susunudḵu ḵan Kristu, unudonyu da profeta we an-ugud si ngadan Apu. Amod de anusdae nangiyattom atta ampaḵaḻaman.