James 4:6 - Sa Ugud Apudyus

⁶ Sa ḵatuttuwaan, ummamdan ḵinabaḻun Apudyus ḵan ditaḵu, isuna nibaga si nigili ye Ugudnae ḵanana, “Sullagiyon Apudyus da ngaimane ampasindayaw, yaḵon ipailana ḵinabaḻuna'tta ngaimane napakumbaba.”

James 4:6 Referans Kwoze

Matthew 23:12

Ngaimane angipangatu si long-agna, mipababa. Ḵad ngaimane angipakumbaba si long-agna, mipangatu.”

1 Peter 5:5

Diḵayu ḵad ose bagbagu, ḵasapuḻane paipangat ḵayu'tta angipangpangu. Pun diḵayu losane namati, ḵasapuḻane ipakumbabayu da long-agyu'tta buḻunyu ta anserbi ḵayu'tte sin-ossaossa. Te ḵanan ni nigili ye ugudna, “Sullagiyon Apudyus da ngaimane ampasindayaw, yaḵon ipailana ḵinabaḻuna'tta ngaimane napakumbaba.”

Luke 14:11

Te ngaimane angipangatu si long-agna, mipababa. Ḵad ngaimane angipakumbaba si long-agna, mipangatu.”

Luke 18:14

Pun ḵanan Jesus we nangiyanungus, “Annaya ibagaḵ ḵan diḵayu, ummoyonda ḵad, sa andadagup atta bugis imbelang Apudyus aḵ ippun basuḻna te pinakawanna. Yaḵon sa Pharisee, adimpun Apudyus pinakawan. Te ngaimane angipangatu si long-agna, mipababa. Ḵad ngaimane angipakumbaba si long-agna, mipangatu.”

Luke 1:52

Da nangatu we papangatda, ipakumbabana dida. Da tagu we ḵamḵama, itaḻayagna dida.

Matthew 13:12

Te sa anuttuwa si dingngoḻna, amo madog-an an-aawatna inggana'ḵ aduadu maawatana. Yaḵon sa tagu we adinapun ḵoon dingngoḻna, taḵon ay awad ḵan siya, maḵaan.

James 4:10

Ipakumbabayu da long-agyu si sinagung Apudyus woḵ itaḻayagna diḵayu.