James 4:3 - Sa Ugud Apudyus

³ Ḵad taḵon ay nu anḵodaw ḵayu, adinapun os itton te lawweng panggobyu we anḵodaw. Te abus gangganason da long-agyu'ḵ ḵodawonyu.

James 4:3 Referans Kwoze

1 John 5:14

Ḵad antaḻgod taḵu we alluwaḻu ḵan Apudyus te igammu taḵu we ngaimane ḵodawon taḵu ḵan siya sigun si piniona, dongngona ditaḵu.

1 John 3:22

Ḵad da ngaimane ḵodawon taḵu ḵan siya, ittona gapu'tte anuttuwaan taḵu'tta bilinna ya sa angwaan taḵu'tta mas-omana.

James 4:1

Annaya ud imusoḵ, ngai gapun ni ampapatoyanyu ḵan ansusuboganyu? Daḵampun ḵamman aḵ sa amaamayonyu gumulu si ambaḻu we somsomoḵyu?

Luke 15:13

“Naḻaḵpus ḵad sin-aḵitane aḻgaw, ingnginan ni udidi da losane billayna woḵ ummoy atte adayu we ili. Dummatong ḵad sidi, ginastuna pilaḵna'tta gaggatunge antatagu.

Mark 10:38

Ḵanan Jesus, “Ippun igammuyu'tte ḵodawonyu! Maanusanyu ḵammane ampaḵaḻame isun ni ampaḵaḻamaḵ? Lamogyu ḵamman os matuḻodane matoye isun ni anḵaḵatoyḵu?”

Matthew 20:22

Ḵanan Jesus atta duwae ansunud, “Ippun igammuyu'tte ḵodawonyu. Maanusanyu ḵad aine ampaḵaḻame isun ni ampaḵaḻamaḵ?” Ḵananda, “On, lamogni.”

Luke 15:30

Sinsadi ḵad atte dummatong abengnu we nanangtangga'tta ḵuḵuwam atta puta, siya gay asim insid-an atte antabae baḵa taḵu!’

Luke 11:10

Ngaimane anḵodaw ḵan Apudyus, maittan ya ngaimane ansingit, angdas. Ḵad ngaiman ose anḵugḵug, mabuḵtan onob ḵan siya.