James 4:2 - Sa Ugud Apudyus

² Awad da amaamayonyu aḻane adiḵayupun maḵaaḻa, pun siya gumongatanyu. Pionyu ḵuwaon da ḵuḵuwan da udum yaḵon adiḵayupun maḵaaḻa, pun siya ampapatoyanyu ḵan ansusuboganyu. Naippun ḵan diḵayu da pionyu te adiyupun ḵodawon ḵan Apudyus.

James 4:2 Referans Kwoze

John 16:24

Inggana sinsadi, naippun ḵindawyu mipagapu'tte ḵabooḻaḵ. Anḵodaw ḵayu woḵ awatonyu ta naippun kurang ni layadyu.”

James 1:5

Nu awad osa ḵan diḵayu'ḵ angkurang atte ḵinalaing, alluwaḻu oḵyan ḵan Apudyus woḵ aaddi ye maatod. Te aḵ Apudyus allaay atta losane tagu ya adinapun dida pabainan nu anḵodawda.

John 4:10

Ḵanan Jesus, “Nu inigammum atod Apudyus ya inigammum nu ngaiyaḵe anḵodaw atte danum, siḵa oḵyan anḵodaw ta ittaḵ siḵa si danume angitod si biyag.”

James 5:6

Ḵinoddonganyu ḵan gingngatyu da tagu we naun-unane naippun ḵaḻabbongandae sumullagi ḵan diḵayu.

1 John 3:15

Te ngaimane sasangngaana asintataguna isuna pumappatoy ḵad igammu taḵu we sa pumappatoy naippun ḵan siya biyag aḵ inggana.