James 3:4 - Sa Ugud Apudyus

⁴ Ilanyu ḵad os bapur, taḵon ay nu daḵodaḵoḻ ya isunusunun ni ampigsae bibbid, lamog ni angimanihu ipaoy si piona angipaoyan, gapu'tte banban-oge ḵaga si ubotana.

James 3:4 Referans Kwoze

Matthew 8:24

Napanos ḵad, baag-en inniggana bali ye ampigsapigsa si sadi ye baybay woḵ nalaḵḻaḵbungan bangkada si tupiyaḵ ya annae milisobda. Yaḵon masusuyop aḵ Jesus.

Matthew 11:27

Pun ḵanan Jesus atta tagu, “Innatod Amaḵ we Apudyus ḵan saḵon da losane ḵabooḻan ḵan laing. Iniiggammuna saḵon ya naippun udum aḵ nangigammu ḵan saḵon. Ḵaḵna bos aḵ Amaḵ we naippun angigammu ḵan siya malaksid ḵan saḵon ya da ngaimane tagu we pioḵ angipaigammuwan.”

Acts 27:11

Yaḵon aḵ Julius we osa'tta kapitan da suḻdadun da iRome adinapun tinuttuwa imbagan Paul te siya tinuttuwana imbagan ni kapitan ni bapur ya sa sinḵuwa si bapur.

James 3:3

Nu patingaḻan taḵu sungad ni ḵabayu ta tumuttuwa ḵan ditaḵu, maḵwae ipaoy taḵu si pion taḵu we angipaoyan.

James 3:5

Ḵad isuna bos delan ni tagu we taḵon ay nu bamban-oge ḵamangay ni long-ag, lamognae ansoḵasoḵaḻ. Somsomḵon taḵu ḵad apuy, taḵon ay nu paḻatiḵ, dagadagona simbelegan.