James 2:5 - Sa Ugud Apudyus

⁵ Andongoḻ ḵayu ay-ayatoḵe susunud ḵan Kristu. Daḵampun ḵamman ḵan Apudyus namili'tta ḵapus si annae lubung aḵ bumaḵnang si pammati ya gangganasonda da laḵsunda si midog-anda si ampangatan Apudyus we inkarina'tta angay-ayat ḵan siya?

James 2:5 Referans Kwoze

Matthew 5:3

“Pian da tagu we antaḻgod ḵan Apudyus atta ngaiman te midogada si ampangatan Apudyus.

Luke 6:20

Pun nansagung aḵ Jesus atta disipuluna woḵ ḵanana, “Pian da tagu we antaḻgod ḵan Apudyus atta ngaiman te midogada si ampangatana.

Revelation 2:9

Igammuḵe nampaḵaḻam ḵayu ya ḵapus ḵayu yaḵon sa ḵatuttuwaan, baḵnang ḵayu! Igammuḵ ose awad da Judyu we anginsultu ḵan diḵayu yaḵon daḵandapun aḵ tagun Apudyus nu adi dida da tagun Satan.

2 Corinthians 8:9

Te igammuyu ḵinabaḻun Apu taḵu we Jesu Kristu we taḵon ay nu baḵnang ad langit, nambalin aḵ ḵapus gapu ḵan ditaḵu ta mipagapu si ḵumapusana sadi bumaḵnangan taḵu.

Luke 12:21

Pun ḵanan Jesus we nangiyanungus, “Ḵaḵnat maḵwa'tta tagu we amompon aḵ binaḵnang atta long-agda yaḵon adidapun ipatog da banage ibelang Apudyus aḵ ampatog.”

1 Peter 1:4

ḵad sana laḵsun taḵu we maḻpu ḵan Apudyus we adipun paat madadail ḵan maḵaissawan ya adipun os umaḵit patognae nigagappot ad langite para ḵan ditaḵu.

James 1:12

Pian tagu we ampaḵaḻame angipapati angunud ḵan Apudyus te nu napanoḵnoḵane ampigsa pammatina, awatona gungunae inkarin Apudyus we sa biyag aḵ inggana'tta angayat ḵan siya.

Hebrews 11:26

Imbelangnae napatpatog aḵ adayu ampaḵaḻam gapu ḵan Kristu nu sa losane ḵinabaḵnang ad Egypt te siya sosomḵona gunguna si umali ye aḻgaw.

Luke 12:32

“Adi ḵayu maḵimut, taḵon ay nu aḵit ḵayu we disipuluḵ te aḵ Apudyus we Ama taḵu allaylayade nanomsomoḵe midoga ḵayu si ampangatana.

1 Corinthians 2:9

Yaḵon sa ḵanan ni nigili ye Ugud Apudyus, “Sa adimpun da tagu innila ya adidapun dingngoḻ baḵon nu adidapun simsimmoḵ, sadi insaganan Apudyus para'tta angayat ḵan siya.”

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

Revelation 21:7

Sa tagu ḵade oḻgona lawweng, allaḵsunna da anna losan. Bigbigona saḵon aḵ Apudyusna ya bigbigoḵ ose abengḵu.

James 1:9

Diḵayu ḵad ose susunud ḵan Kristu we ḵaḵapus, amo allaylayad ḵayu oḵyan si angitaḻayagan Apudyus ḵan diḵayu.

2 Timothy 4:8

Pun sinsadi awad de insaganan Apu we para ḵan saḵone gungunae ittona'tta losane naun-unane tagu. Ittona anna si umali ye aḻgawe anguwisana'tta losane tagu sigun si ustu we anḵuḵuwisna. Ḵad daḵampun aḵ abusaḵ aḵ gungunaana nu adi da losane ummayu si mipauliyana.

2 Corinthians 6:10

Taḵon ay andadauy ḵani, pasig ḵani bos allaylayad. Ḵapus ḵani yaḵon mipagapu'tte tuttuduni adu da bummaḵnang atta naispirituwane banage itton Apudyus. Naippun ḵuḵuwani yaḵon ḵuwani da losan gapu'tte pammatini ḵan Apudyus.

Revelation 3:18

Pun bagbagaaḵ diḵayu we ngumina ḵayu si buḻawan ḵan saḵone naḻunag ḵan pinapoḻḵas ni apuy ta bumaḵnang ḵayu we tuttuwa. Ngumina ḵayu bos si itaḵe silupe iḵabotyu ta adi ḵayu mabainan gapu ta amboboddang ḵayu. Ngumina ḵayu bos si agase iyagasyu'tta atayu ta pumadda ilanyu.

1 Timothy 6:18

Bilinom os dida ta ḵoonda da adu we ambaḻu we banag ta da adu we ambaḻu we ḵoonda isudan tuttuwae binaḵnang. Allaayda oḵyan ya ibillayanda da buḻunda.

Luke 16:25

“Yaḵon ḵanan Abraham, ‘Abengḵu, iḵagasmoḵnu timpun ni nataguwame allin-awa biyagnu. Ḵad aḵ Lazarus, nampaḵaḻam. Yaḵon sinsadi, annae allaylayad sina ya siḵa ḵad, annate ampaḵapaḵaḻamḵa.

Matthew 11:5

Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

2 Peter 1:11

Ḵad allaylayad os aḵ Apudyus we amaḻonoḵ ḵan diḵayu si annanayune ampangatan Jesu Kristu we Apu taḵu ya Anagu ḵan ditaḵu.

2 Timothy 4:18

Ḵad igammuḵe saḻaḵnibanaḵ ḵan Apu atta losane lawweng ya taguwona saḵon ad langit si ampangatana. Madaydayaw oḵyan aḵ Apudyus aḵ inggana. Amen.

2 Thessalonians 1:5

Sadi angipaila si gattoḵe naun-unane anḵuḵuwis Apudyus atta tagu. Te mipagapu'tte ampaḵaḻamane inan-anusanyu sinsana, nipailae mibagay ḵayu we midoga si ampangatana.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Romans 8:17

Ḵad gapu ta abeng Apudyus ditaḵu, maḵatawid taḵu'tta ipaḻaḵsun Apudyus atta taguna ḵad maḵatawid taḵu'tta impatawidna ḵan Kristu. Nu midoga taḵu si ampaḵaḻaman Kristu, midoga taḵu bos si madayawana.

Luke 16:22

“Natoy ḵad sadi ye ḵapus, innaḻan da anghel woḵ ummoyda innigga si daḻnig Abraham. Natoy ḵad os baḵnang, illibonda,

James 1:16

Pun susunudḵu ḵan Kristu we ay-ayatoḵ, adi ḵayu maallelaw.

1 Thessalonians 2:12

Sinoḻgagni ya pinapigsani diḵayu ḵan insassaudni ye matagu ḵayu si biyage mas-oman Apudyus ya mibagay atte namiliyana ḵan diḵayu'ḵ midoga si ampangatana ya sa ḵinangatuna.

Ephesians 1:18

Ḵodawoḵ ose silawan Apudyus da somsomoḵyu ta igammuwonyu namnamaon taḵu gapu si namiliyana ḵan ditaḵu ya maawatanyu ḵaadu ḵan ḵinabaḻun ni bindisyune inkarina'tta tagun Apudyus.

2 Corinthians 4:15

Te losan da sanae ampaḵaḻamanni, para'tte bumaḻuwanyu ta umadu da tagu we angipadas atte ḵinabaḻun Apudyus. Te nu umaduaduda, umadu bos da anggappiya ḵan Apudyus ya sadi madayawana.

John 7:48

Awad ḵad ain osa'tta papangat baḵon nu ossaan ḵan diḵani ye Pharisee aḵ namati ḵan siya?

Luke 22:29

Pun ittoḵ ḵan diḵayu ḵalintogane ampangate isun ni innatod Amaḵ ḵan saḵone ampangat.

Mark 7:14

Pun inayagan os Jesus da tagu woḵ ḵanana ḵan dida, “Diḵayu losan, dongngonyu anna ta igammuwonyu.

Acts 7:2

Ḵanan Stephen, “Aamma ḵan susunude ganaḵ Israel, dongngonyu ud annae ibagaḵ. Sa awe, aḵ Apudyus we maḵabooḻ atta losan nampaila ḵan Abraham we daḵdaḵoḻ taḵu si inninggawana'd Mesopotamia si daanna ayan ad Haran,

James 1:19

Ay-ayatoḵe susunud ḵan Kristu sosomḵonyu annae ibagaḵ, pion taḵu pasig taḵu andongoḻ yaḵon noan taḵu oḵyane an-ugud ya adi allasu sumang-an taḵu.