James 2:25 - Sa Ugud Apudyus

²⁵ Isun Rahab we puta. Aḵ Apudyus nangwa si naun-unana gapu si ambaḻu we ḵingwana'tta ganaḵ Israel we imbuun Joshua aḵ ummoy nansiput si ilina. Te minangilina dida woḵ impaoyna dida si sabali ye daḻane ummawid.

James 2:25 Referans Kwoze

Hebrews 11:31

Gapu'tte pammatin Rahab, minangilina da Iyisrael we ummoy nansiput atte sadi ye ilina. Pun adipun nidoga nagongat aḵ Rahab we puta atta ḵailiyanae adipun tummuttuwa gapu si adidapun namatiyan ḵan Apudyus.

Matthew 21:31

Pun ḵanan Jesus, “Dinu'tta annae duwa nanuttuwa si pion amada?” Ḵananda, “Sa panguḻu.” Pun ḵanan Jesus ḵan dida, “Ibagaḵ ḵan diḵayu ḵatuttuwaan, sa ḵabasbassuḻane tagu we isun da andadagup atta bugis ya da puta, umun-unada nu diḵayu umoy si ampangatan Apudyus.

Matthew 1:5

Aḵ Salmon aman Boaz ḵad aḵ Rahab inana. Aḵ Boaz aman Obed ḵad aḵ Ruth inana. Ḵad aḵ Obed aman Jesse.

James 2:22

Ilam nantoḵom pammatina ḵan gunayna woḵ napanoḵnoḵane gattoḵ pammatina.

James 2:18

Yaḵon ḵanan ni osa, “Awad de pammatim ḵad awad os ambaḻu we gunayḵu.” Annaya isongbatḵu, “Ipailam ḵan saḵon pammatime naippun gunay ḵad ipailaḵ os pammatiḵ mipagapu si ambaḻu we gunayḵu.”

Acts 17:7

Aḵ Jason ḵad, minangilina dida. Da losane nibuḻun ḵan Paul, sinullagida lintog ni Emperor ad Rome te ḵanandae awad de osae ari ye Jesus ngadanna.”

James 2:24

Pun igammu taḵu we aḵ Apudyus angwa si maun-unan da tagu gapu'tta gunayda, daḵampun atte pammatidae abus.