James 2:23 - Sa Ugud Apudyus

²³ Pun nituttuwa nigili ye Ugud Apudyus we ḵanana, “Pinatin Abraham aḵ Apudyus, pun imbelangna'ḵ naun-unan” woḵ nangngadan aḵ buḻbuḻun Apudyus.

James 2:23 Referans Kwoze

Galatians 3:6

Aḵ Abraham ḵad, “Pinatina'ḵ Apudyus ya gapu si pammatina, imbelang Apudyus aḵ naun-unan.”

Romans 11:2

Iḵasinḵu ibagae daḵampun aḵ indiyan Apudyus da gagangaye pinilinae taguna si awe. Adiyupun ḵamman igammu ḵanan ni Ugud Apudyus atte mipanggob ḵan Profeta Elijah? Nalluwaḻu si misullagi'tta ḵailiyanae da ganaḵ Israel,

Galatians 3:22

Yaḵon adidapun maḵaḵwa te sa ḵanan ni Ugud Apudyus, losane tagu patilayune bumasubasuḻ ya adipun maḵwae mapuḵayandae angwa'ḵ basuḻ atte ḵuwadae ḵabooḻan. Implanun Apudyus sadi ta sa inkarinae mibatay si pammatin ni tagu ḵan Jesu Kristu, abus aḵ maittana da amati.

Romans 9:17

Ḵanan ni nigili ye Ugud Apudyus ḵan Pharaoh we ari'd Egypt, “Annaya panggobḵu'tte ḵingwaḵ: Nambalinoḵ siḵa'ḵ ari ta angipail-aḵ si ḵabooḻaḵ ḵan siḵa ya mipaigammu ngadanḵu si intero we luta.”

Luke 4:21

Ḵanana ḵan dida, “Sinsadi ye aḻgaw, nituttuwa sanae Ugud Apudyus atte nandodongngoḻanyu.”

Mark 15:27

Inninggaw os da duwae tulisane impattoḻda dida'tta krosda, sa osa'tte madawinanna ya sa osa'tte madawigina.

Mark 12:10

Iḵagasmoḵyu oḵyan binasayu si nigili ye Ugud Apudyus we ḵanana, “ ‘Sa batu we indiyan da nantaḵad aḵ boḻoy, siya nambalinon Apudyus aḵ ḵapatogane batu we amapagdot atte boḻoy.

1 Peter 2:6

Te ḵanan ni nigili'tte Ugud Apudyus, “Ilanyu, isaadḵu'd Zion annae batu we amapagdot si boḻoy. Siya piniliḵ ya siya ḵapatogan. Ḵad ngaimane amati ḵan siya, adipun paat madismaya.”

2 Timothy 3:16

Da losane nigili ye Ugud Apudyus, aḵ Apudyus nangigga si somsomoḵ da nangigili. Ḵad mausar aḵ anuttudu ḵan ditaḵu si ḵatuttuwaan ya angigammuwan atta kamali ḵan basuḻ taḵu, suppaḵana ditaḵu ta ḵasapuḻane baliwan taḵu da lawwenge ugali taḵu ya ḵoona ditaḵu'ḵ maun-unan antatagu taḵu ya ḵoon taḵu da ummun-un,

Acts 1:16

“Susunud ḵan Kristu, ḵasapuḻane mituttuwa Ugud Apudyus we impaigilin ni Ispiritu Santu ḵan Ari David si awe mipanggob si maḵwa ḵan Judas we nangipuyut atta nanoḵma ḵan Jesus.

James 2:24

Pun igammu taḵu we aḵ Apudyus angwa si maun-unan da tagu gapu'tta gunayda, daḵampun atte pammatidae abus.