James 2:20 - Sa Ugud Apudyus

²⁰ Siḵae nadongdong-ogane tagu, piome panoḵnoḵane sa pammati ye naippun gunay ippun anuna?

James 2:20 Referans Kwoze

James 2:26

Te igammu taḵu we sa long-age naippun angosna natoy ḵad sa pammati ye naippun gunay, natoy os.

James 2:17

Ḵatti isun ni pammati ye abus, nu adipun mipaila si ambaḻu we gunay, ippun anuna.

Romans 1:21

Te taḵon ay nu iniiggammudae awad aḵ Apudyus, adidapun andayaw ya adidapun os anggappiya ḵan siya. Yaḵon nambalin ippun anun da ansosomsomoḵda ya gummiḵbot somsomoḵda.

Galatians 6:3

Nu awad angibelang aḵ awad de ḵabooḻana baḵon nu nangatu ḵasasaadna yaḵon daḵampun aḵ tuttuwa, allelawonae mismu long-agna.

James 1:26

Nu awad osa'ḵ ḵananae angapudyus yaḵon adinapun tupodon delana, allelawona long-agna ḵad ippun anun ni angapudyusana.

Titus 1:10

Te adu da tagu we adipun amati ye adidapun tumuttuwa'tta anna ḵaḻabbonganda ya angallelaw atta asintataguda'tta tuttudu we naippun paat patogda, amod ay grupun da namati ye Judyu we angipatut atte mipanggob si sogyat.

1 Timothy 1:6

Awad da udume nan-awidanda da pammatida woḵ siya gay impapuutda ippun anunae sossongbat.

Colossians 2:8

Ilanyu ta adi ḵayu maallelawe angunud si daḵampun aḵ tuttuwae tuttudu we naippun anuna te da sanae tuttudu we maḵaallelaw atta tagu, daḵampun ḵan Kristu naḻpuwana yaḵon da ug-ugalin da tagu si awe ya da bilin sina'd luta.

Galatians 5:6

Te sa niyossaanan taḵu ḵan Jesu Kristu, ippun paat nisabaliyana si antotollong Apudyus nu nasogyatan taḵu baḵon nu aditaḵupun. Yaḵon sa awad de patogna, sa pammati taḵu we mipaila si angayatan taḵu'tta buḻun taḵu.

Romans 3:28

Patiyon taḵu we aḵ Apudyus angwa si maun-unan da tagu mipagapu si amatiyanda ḵan Jesu Kristu, daḵampun aḵ sa anuttuwaanda'tte lintog.

Romans 9:20

Yaḵon ngaiḵa ḵammane sumongbat ḵan Apudyus? Maḵwa ḵammane ḵanan ni nadiwin atte nandiwin, “Ngaipa ḵaḵna nangwam ḵan saḵon?”