James 2:19 - Sa Ugud Apudyus

¹⁹ Patiyom ḵammane os-ossaan Apudyus? Sanat ambaḻubaḻu! Yaḵon taḵon ay da aḻan, amatida bos ya amilpilda'tte ogyatda.

James 2:19 Referans Kwoze

Luke 4:34

“Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”

Mark 1:24

“Anii! Jesus we iNazareth, ngaipaḵa umali ḵan diḵani? Ummaliḵa ḵamman ta dadailom diḵani? Igammuḵe siḵa Nasantuwane imbuun Apudyus.”

Matthew 8:29

Inadanida ḵad aḵ Jesus, napapḵaawda woḵ ḵananda ḵan siya, “Siḵae Abeng Apudyus, Anii! Ngaipaḵa umali ḵan diḵani? Ummaliḵa ḵamman sina ta inḵa diḵani dusaon si daampun dumatong ustu we timpu?”

Acts 16:17

Nitun-ud babaḻasang ḵan diḵani ḵan Paul woḵ ḵananae nangiyipḵaw, “Da annae tagu sammilun ni Ḵangatuwane Apudyus! Iwaḻagawagda ḵan diḵayu daḻan ni mataguwan!”

Galatians 3:20

Yaḵon sa inkarina ḵan Abraham, adinapun ḵasapuḻane awad angiyugud yaḵon siyae mismu ummoy nangibaga.

Acts 19:15

Yaḵon ḵanan ni aḻane summongbat ḵan dida, “Aḵ Jesus igammuḵ, aḵ Paul igammuḵ yaḵon ngai ḵayu?”

Mark 5:7

Pun ḵananae napapḵaaw, “Anii! Ngaipaḵa umali ḵan saḵon? Siḵa'ḵ Jesus we Abeng ni Ḵangatuwane Apudyus! Ibagam ḵappos ḵan Apudyus ta adina saḵon dusaon!”

1 Timothy 2:5

Te ossaan aḵ Apudyus ḵan ossaan os angiyugud ḵan Apudyus ya da tagu. Siya'ḵ Jesu Kristu we nambalin aḵ tagu.

Mark 12:29

Ḵanan Jesus, “Annaya ḵapatogan atta bilinna, ‘Andongoḻ ḵayu we ganaḵ Israel, os-ossaan Apu taḵu we aḵ Apudyus, naippun udum.

1 Corinthians 8:6

Yaḵon ḵan ditaḵu, ossaan Apudyus we Ama taḵu. Siya nangwa'tta losane banag ya siya gapun ni mataguwan taḵu. Ossaan Apu we siya'ḵ Jesu Kristu. Naḵwa da losane banag mipagapu ḵan siya ya matagu taḵu mipagapu ḵan siya.

Romans 3:30

Ossaan Apudyus da Judyu ḵan Gentil ya abus mipagapu'tta pammatida ḵan Jesu Kristu aḵ maun-unanda.

John 17:3

Ḵad sana biyag aḵ inggana, siya angigammuwandae siḵa abus aḵ tuttuwae Apudyus ya saḵon aḵ Jesu Kristu we imbuunnu.

Jude 1:6

Sosomḵonyu ḵad os da anghel we adipun nat-op atte saaddae innatod Apudyus ḵan dida woḵ tinenanda ustu we inggawanda'd langit. Gapu si nangwaanda'tte sadi, ḵinawadan Apudyus dida'ḵ inggana woḵ imbaḻudna dida si ḵagiḵbotan inggana'ḵ dumatong aḻgawe anguwisana ḵan dida.

James 2:8

Nu tuttuwaonyu da ḵapatogane Ugud Apudyus we impaigilina si awe ye ḵanana, “Ḵasapuḻane ayatom da asintatagume isun ni an-aayatnu'tte long-agnu.” Nu pasigyu unudon annae ugud, ambaḻu da ḵoonyu.

1 Corinthians 8:4

Sinsadi, nu mipanggob si maḵane midatun atta sinan-apudyus, iniiggammu taḵu we naippun ḵatuttuwaan da sinan-apudyus. Igammu taḵu we ossaan tuttuwae Apudyus naippun udum.

Revelation 20:10

Ḵad aḵ Satan we nangallelaw ḵan dida, asi miballu si igaw ni gumilgillayabe apuy ḵan sulfur we sa niballuwan ni ḵaog-ogyate ayam ya sa sinan profeta. Ḵad ampaḵapaḵaḻamda'tte inaḻgaw ya nilabi'ḵ inggainggana.

Jude 1:4

Te annat da tagu we illimoddae nidoga ḵan diḵayu we adiḵayupun naḵaimatun ḵan dida. Dida da nipadtu si awe si Ugud Apudyus we asi maḵuwis. Sana da tagu we daḵampun aḵ naapudyusane baliwanda ḵatuttuwaan mipanggob si ḵinabaḻun Apudyus te usaronda Ugud Apudyus aḵ analingodda'tta lawwenge ḵoḵoḵḵonda. Adidapun os bigbigon ḵatuttuwaan mipanggob ḵan Jesu Kristu we abus aḵ Apu we anserbiyan taḵu.

Mark 7:9

Pune sadi pinagatupan Jesus woḵ ḵanana, “Aginlalaing ḵayu! An-awidanyu bilin Apudyus ta unudonyu ugaliyu.

Acts 24:25

Yaḵon intuttudun ḵad Paul mipanggob atte maun-unane antatagu, sa anupodan atta long-ag ta adi angwa'ḵ basuḻ ya sa umali ye aḻgawe anḵuwisan Apudyus atta tagu, naḵimtan aḵ Felix woḵ ḵanana, “Inḵan! Asiḵ ay siḵa paayag nu awad timpuḵ.”