James 2:18 - Sa Ugud Apudyus

¹⁸ Yaḵon ḵanan ni osa, “Awad de pammatim ḵad awad os ambaḻu we gunayḵu.” Annaya isongbatḵu, “Ipailam ḵan saḵon pammatime naippun gunay ḵad ipailaḵ os pammatiḵ mipagapu si ambaḻu we gunayḵu.”

James 2:18 Referans Kwoze

James 3:13

Ngai ḵan diḵayu nalaing ya maḵaawat? Nu awad, ḵasapuḻane ipailana ḵinalaingna si ambaḻu we antataguna ya ipakumbabana bos long-agna si angwaana'tta ambaḻu.

1 Timothy 1:5

Yaḵon sa panggob ni sanae bilin, an-asiayat ḵayu we maḻpu si ampoḻḵas ya ambaḻu we somsomoḵ ya sa gattoḵe pammati.

James 2:14

Susunudḵu ḵan Kristu, ngai maganab ni tagu we angibagae awad de pammatina yaḵon adipun mipaila si gunayna? Taguwon ḵamman ni pammatina?

Galatians 5:6

Te sa niyossaanan taḵu ḵan Jesu Kristu, ippun paat nisabaliyana si antotollong Apudyus nu nasogyatan taḵu baḵon nu aditaḵupun. Yaḵon sa awad de patogna, sa pammati taḵu we mipaila si angayatan taḵu'tta buḻun taḵu.

Titus 2:7

Siḵa ḵad os, pasig oḵyane ambaḻu ugalim ta sa ḵinabaḻum, siya unudon da buḻunnu. Ilam ta sa antuttuduwam, maḻpu si naimpusuwane ḵasomsomḵam. Ḵad sa inome angibaga, mibagay os atta ampatoge ituttudum.

Romans 14:23

Yaḵon sa tagu we anduwaduwa mipanggob atte maḵan, maḵabasuḻ nu ḵanona te sa anganana daḵampun aḵ nibatay si ustu we pinatina. Pun nu ḵoon taḵu da ngaimane patiyon taḵu we daḵampun aḵ ustu, maḵabasuḻ taḵu.

Hebrews 11:31

Gapu'tte pammatin Rahab, minangilina da Iyisrael we ummoy nansiput atte sadi ye ilina. Pun adipun nidoga nagongat aḵ Rahab we puta atta ḵailiyanae adipun tummuttuwa gapu si adidapun namatiyan ḵan Apudyus.

Hebrews 11:33

Mipagapu si pammatida, illogda da ḵagubatdae sabali ye ili, ustu inondae nampangat ya inawatda inkarin Apudyus, pinaginoḵda da lion ta adida ḵotban dida.

Hebrews 11:6

Ḵad nu ippun pammatin ni osae tagu, adipun paat mas-om aḵ Apudyus ḵan siya. Te ngaimane umadani ḵan Apudyus, ḵasapuḻane patiyonae gungunaana da angngit ḵan siya.

1 Corinthians 13:2

Ḵad taḵon ay nu awad ḵabooḻaḵe angibaga'tte ipaigammun Apudyus baḵon nu awad ḵabooḻaḵe maawatan da losane ḵinatuttuwaane nilimod ḵan taḵon ay nu igammuḵ da losane maḵwae maigammu ya taḵon ay nu ampigsa pammatiḵe lamogḵu an-atunon beleg yaḵon nu naippun ayatḵu'tta asintataguḵ, naippun anuḵ.

Romans 3:28

Patiyon taḵu we aḵ Apudyus angwa si maun-unan da tagu mipagapu si amatiyanda ḵan Jesu Kristu, daḵampun aḵ sa anuttuwaanda'tte lintog.

2 Corinthians 7:1

Susunudḵu ḵan Kristu we ay-ayatoḵ, gapu'tta sanae inkarin Apudyus ḵan ditaḵu, iginoḵ taḵu we angwa'ḵ lawweng ya iginoḵ taḵu we ansomsomoḵ aḵ lawweng. Sa matattaguwan taḵu, isipog taḵu'ḵ Apudyus ta bumaḻubaḻu naapudyusane antatagu taḵu.

2 Corinthians 5:17

Pun ngaimane niyossaan ḵan Kristu, nambalinon Apudyus aḵ baru we naḵwa. Naippun ogon dadaane ḵinatataguna te napasantan si baru we biyag.

Romans 8:1

Pun sinsadi ḵan ditaḵu losane nidoga ḵan Jesu Kristu, aditaḵupun maḵoddongan aḵ madusa.

Romans 4:6

Sana pion Ari David ugudon si nangibag-ana'tte pian tagu we imbelang Apudyus aḵ naun-unane daḵampun aḵ gapu'tte ḵingwana.

Romans 9:19

Awad nin ḵan diḵayu da angibaga ḵanane, “Nu ḵaḵnat, ngaipan Apudyus pabasbasuḻon da tagu? Awad ḵamman tagu'ḵ maḵatupod atte pinion Apudyus?”