James 1:6 - Sa Ugud Apudyus

⁶ Yaḵon nu alluwaḻu ḵayu, ḵasapuḻane amati ḵayu ḵan adi ḵayu anduwaduwa te ngaimane anduwaduwa isuna tupiyaḵ atte baybaye ipappaulin ni bibbid.

James 1:6 Referans Kwoze

Hebrews 11:6

Ḵad nu ippun pammatin ni osae tagu, adipun paat mas-om aḵ Apudyus ḵan siya. Te ngaimane umadani ḵan Apudyus, ḵasapuḻane patiyonae gungunaana da angngit ḵan siya.

Ephesians 4:14

Ḵad nu miyisu taḵu ḵan siya, aditaḵupun ogon isun di abenge allasu mabaliwan ni somsomoḵna ya maallelaw atta tinutuli ye ituttudun da tuliyan.

Hebrews 10:23

Popotpotan taḵu namnama taḵu we adi taḵu anduwaduwa te mataḻgodan aḵ Apudyus we angituttuwa'tta inkarina.

Hebrews 13:9

Pun ilanyu ta adi ḵayu paallelaw atta sabali ya da tinutuli ye tuttudu. Te sa ḵinabaḻun Apudyus amapigsa si somsomoḵ taḵu, daḵampun si angunudan taḵu'tta bilin mipanggob atta maḵan. Te da angunud atta sana naippun maganabda.

1 Timothy 2:8

Ḵad pioḵe da losane gimungyu we namati, alluwaḻu da laḻaḵi. Ḵasapuḻane ampoḻḵas somsomoḵda ya adidapun bumasuḻ ya ippun oḵyan summang-anda baḵon nu maḵasuboganda nu ingatuda imadae alluwaḻu.

2 Peter 2:17

Da sanae angituttudu si daḵampun aḵ tuttuwae ippun anuda, mipanida'tta nattuḵane bubun ḵan mipanida'tta libuu we abus mibibbibbide ippun udanda. Ḵad awad de ḵagiḵbotane insaganan Apudyus we inggawanda'ḵ inggainggana.

Matthew 14:28

Ḵanan Peter, “Apu, nu tuttuwae siḵa, ayaganaḵ ta umaliyaḵ si sanat anaddaḻan si labaw ni danum.”

Acts 10:20

Lumogsadḵa, adiḵa ansuḵnae mibuḻun ḵan dida te saḵon nangibuun ḵan dida.”

James 1:7

Da ḵassadi ye tagu maoboobos somsomoḵda ya anduwaduwada'tte ngaimane ḵoonda. Pun adida oḵyan namnamaone awad awatonda ḵan Apu.

James 5:15

Ḵad nu alluwaḻudae mipagapu si pammatida ḵan Apu Jesus, ḵumosdoḻ te ḵaanon Apu saḵitna. Ḵad nu naḵabasuḻ, mapakawan.