James 1:26 - Sa Ugud Apudyus

²⁶ Nu awad osa'ḵ ḵananae angapudyus yaḵon adinapun tupodon delana, allelawona long-agna ḵad ippun anun ni angapudyusana.

James 1:26 Referans Kwoze

Ephesians 4:29

Adi ḵayu oḵyane namati an-ugud aḵ lawweng. Siya oḵyan abus aḵ ugudonyu da bumadang ḵan pumigsaan da somsomoḵ da andongoḻ sigun atte ḵasapuḻan ni sin-ossaossa'tte bumaḻuwana.

1 Peter 3:10

Te ḵanan ni nigili ye Ugud Apudyus, “Nu pion ni tagu we gangganason biyag ya allaylayad, ḵasapuḻane adi an-ugud aḵ lawweng ya adi antultulli.

Ephesians 5:4

Adipun os mibagay ḵan diḵayu ḵaissaw an-uugudyu ya dinodong-og an-uugudyu we ippun anuna yaḵon siya oḵyan ḵoonyu anggappiya ḵayu ḵan Apudyus.

Colossians 4:6

Ḵad pasig oḵyan ampalayad ḵan ustu da ugudonyu ta awad ḵad angimus ḵan diḵayu igammuyu ustu we isongbatyu.

James 1:22

Ḵasapuḻane tuttuwaonyu ibagan ni Ugud Apudyus ya adiyu dongngone abus. Te nu abus dongngonyu ya adiyupun ḵoon, allelawonyu da long-agyu.

James 1:19

Ay-ayatoḵe susunud ḵan Kristu sosomḵonyu annae ibagaḵ, pion taḵu pasig taḵu andongoḻ yaḵon noan taḵu oḵyane an-ugud ya adi allasu sumang-an taḵu.

Luke 8:18

“Gapu'tte sadi, sisinnoogonyu da annae ibagaḵ. Te sa anuttuwa si dingngoḻna, amo madog-an an-aawatna. Yaḵon sa tagu we adinapun ḵoon dingngoḻna, taḵon ay aḵite ḵananae awad ḵan siya, maḵaan.”

Galatians 6:3

Nu awad angibelang aḵ awad de ḵabooḻana baḵon nu nangatu ḵasasaadna yaḵon daḵampun aḵ tuttuwa, allelawonae mismu long-agna.

Galatians 2:6

Yaḵon da sadi ye niyiyap aḵ papangat, ippun ḵanana ḵan saḵon nu ngai ḵasasaadda te an-iisuwon Apudyus da tagu, ippun paat intuḻ-ayda si intuttuduḵ.

Mark 7:7

Ippun paat daḻat ni andayawanda ḵan saḵon te sa ituttududa abus da ugali ye ḵingwan da tagu ḵad ibagadae bilinḵu.’

1 Corinthians 15:2

Ḵad sadi bos damage mataguwanyu nu popotpotanyu da pammatiyu nu tuttuwae mibatay pammatiyu si intuttuduḵ ḵan diḵayu.

Matthew 15:9

Ippun paat daḻat ni andayawanda ḵan saḵon te sa ituttududa abus da ugali ye ḵingwan da tagu ḵad ibagadae bilinḵu.’ ”

1 Corinthians 15:15

Ḵad daḵampun os aḵ abus sadi te nu adipun aḵ Kristu ummuli, antultulli ḵani si mipanggob ḵan Apudyus. Te intuttuduni ye tinagun Apudyus aḵ Kristu. Yaḵon nu adipun umuli da natoy, adimpun os Apudyus tinagu'ḵ Kristu.

James 2:20

Siḵae nadongdong-ogane tagu, piome panoḵnoḵane sa pammati ye naippun gunay ippun anuna?

Galatians 3:4

Ippun ḵad ain anun da adu we ampaḵaḻamanyu inggan ni namatiyanyu? Awad oḵyan pos.

Galatians 2:9

Binigbig da James ḵan Peter ya aḵ John we mibelange angipangpangu we intaḻgod Apudyus ḵan saḵon annae ḵewaaḻ gapu'tte ḵinabaḻuna. Sana gapunae nilamanuwanda'ḵ Barnabas ya saḵon ta angipaila si ambuḻbuḻunanni. Nan-uunudanni ye iwaḻagawagni Ambaḻu we Damag atta Gentil ya dida angiwaḻagawag atta Judyu.

1 Corinthians 3:18

Ilanyu ta adiyu allelawon da long-agyu. Nu awad ḵananae nalaing si sanae timpu we nibatay atte ḵinalaing da adipun amati, ambalin oḵyan aḵ dong-og ta ambalin aḵ tuttuwae nalaing.