Hebrews 9:26 - Sa Ugud Apudyus

²⁶ Te nu ḵatti ḵingwana, iḵasiḵasinna ampaḵaḻam inggan ni naḵwaan ni lubung. Yaḵon sa anungus ni timpu namingsan ummali'ḵ Kristu si annae lubung ta ḵaanona da basuḻ da tagu si nangidatunana si mismu we long-agna.

Hebrews 9:26 Referans Kwoze

1 Peter 1:20

Sa daan ni lubung maḵwaan, pinilin Apudyus aḵ Jesu Kristu aḵ anubut ḵan ditaḵu yaḵon nipaigammu si anungus ni aḻgaw para si bumaḻuwanyu.

Hebrews 9:12

Namingsan nillumnoḵ aḵ Kristu si tuttuwae igaw Apudyus ad langit. Ḵad daḵampun aḵ daḻan da kalding ya da ubbun di baḵa ummoyna indatun yaḵon sa mismu we daḻana ta puḵayana ditaḵu si dusan da basuḻ taḵu ya taguwon ditaḵu'ḵ inggana.

Matthew 25:34

“Pun saḵone Ari, asiḵ ḵanane angibaga'tta tagu we awad si madawinanḵu, ‘Awwayyu, diḵayu we binindisyunan Amaḵ ta gangganasonyu da laḵsunyu we midog-anyu si ampangatan Apudyus we nisaganae inggawanyu inggan ni naḵwaan ni lubung.

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.

Hebrews 1:2

Yaḵon sa sanae anungus ni aḻgaw, nan-ugud aḵ Apudyus ḵan ditaḵu mipagapu si Abengna. Siya dinutuḵan Apudyus aḵ anawid atta losane anna si lubung ya mipagapu si Abengna ḵingwana lubung.

Hebrews 10:4

Te adimpun ni daḻan ni laḵi ye baḵa ḵan kalding lamog ḵaanon basuḻ.

Hebrews 7:27

Daḵampun aḵ isun da udume ḵangatuwane papadi ye inaḻgawe andatun ḵan Apudyus, gapu'tte basuḻna ya da basuḻ da tagu. Yaḵon aḵ Jesus, namingpingsane indatunnae mismu long-agna ḵad lamogna'ḵ bayad da basuḻ da tagu'ḵ inggana.

1 John 3:5

Igammuyu we ummali'ḵ Kristu ta ḵaanona da basuḻ te siya ḵad naippun paat basuḻna.

Hebrews 10:12

Yaḵon aḵ Kristu, namingpingsane indatunna long-agna para'tta basuḻ taḵu'ḵ inggana. Nagangput ḵad, tummuḵdu si madawinan Apudyus.

Hebrews 10:10

Pun gapu ta nituttuwa pinion Apudyus, pummoḻḵas taḵu'tta basuḻ taḵu mipagapu si namingpingsane nangidatunan Jesu Kristu si long-agna.

Hebrews 9:14

Sindumallu we pummoḻḵas taḵu si daḻan Kristu si nangidatunana si long-agna mipagapu'tte annanayune Ispiritu Santu. Ippun basuḻna ya mipagapu'tte natoyana pummoḻḵas somsomoḵ taḵu'tta ippun anunae ḵoon taḵu ta anserbi taḵu si matattagu we Apudyus.

1 Peter 2:24

Aḵ Kristu we mismu nangiḵaḻu'tta basuḻ taḵu si natoyana'tte kros ta sadi mapuḵayan taḵu'tte ḵabooḻan ni basuḻ ya unudon taḵu naun-unane antatagu. Gapu'tta sugatna, naḵaan da saḵit taḵu.

Revelation 17:8

Sa ayame innilam, inninggaw atte awe yaḵon naippun sinsadi. Ḵad sa umali ye aḻgaw, tumoḵwaḻe maḻpu si abute ippun patinggan ni ḵaadaḻomna. Ḵad ḵasapuḻane umoy atte dusae ippun anungusna. Ḵad da losane tagu si lubunge adipun nigili da ngadanda'tte iblu we nigiliyan da awad de biyagda'ḵ ingganae insaganan Apudyus atte daan ni lubung maḵwaan, mataagdae angila'tte sadi ye ḵaog-ogyate ayam te inninggaw atte awe, naippun sinsadi ya asi tumoḵwaḻ atte umali ye aḻgaw.”

Hebrews 4:3

Ditaḵu we namati maḵwae lumnoḵ maḵaillong ḵan siya te siya imbagan Apudyus. Ḵanana'tta adipun namati, “Summangaaḵ ḵan dida woḵ inkariḵe, ‘Adiḵpun paat dida paḻonḵone maḵaillong ḵan saḵon.’ ” Ḵaḵnat sadi ye imbagana taḵon ay nu ginangputna insagana sadi ye umillongan inggan ni laplapun ni lubung.

Titus 2:14

Siya nangitod si long-agna'ḵ matoy para ḵan ditaḵu ta mapuḵayan taḵu'tta losane ḵabooḻan ni basuḻ ya papoḻḵasona ditaḵu'tta basuḻ taḵu aḵ mitotoḵḵone tagunae sillalaylayade angwa'tta ambaḻu.

Ephesians 5:2

ta miyisu oḵyan an-aayatyu si nan-aayat Kristu ḵan ditaḵu. Te innatodna long-agna'ḵ matoy para ḵan ditaḵu ya sa natoyana, isunan ambangu we datun ḵan Apudyus we mas-omana.

Ephesians 1:10

Annaya planuna: Nu magangput losan da ḵasapuḻane maḵwa ya dumatong ustu we timpu, uḻnusona da losane anna'd langit ya sina'd luta ya paipangatna dida ḵan Kristu.

1 Corinthians 10:11

Naḵwa losan da sana'tta iyIsrael ta mabagbagaan da udume tagu ḵad nigilida bos ta mabagbagaan taḵu. Te anna taḵu'tte timpu we madam-an anungus ni timpu.

Revelation 13:8

Ḵad daydayawon da losane tagu si annae lubung sanae ḵaog-ogyate ayam yaḵon da tagu we nigili da ngadanda'tte iblu we nigiliyan da ngadan da awad da biyagda'ḵ inggana, adidapun daydayawon sanae ḵaog-ogyate ayam. Te sa daan ni lubung maḵwaan, nagagangpute nigili da ngadan da sanae tagu si iblun ni biyage sa ḵuwan ni Ubbu we Karnero we nagongat.

Hebrews 10:26

Te nu gagaḻ-on taḵu we bumasuḻ si nagangpute inigammu taḵu mipanggob si ḵatuttuwaan, naippun ogon midatun aḵ amapoḻḵas atta basuḻ.

Galatians 4:1

Ḵaḵna pioḵ ugudon: Nu sa abeng sissiyae anawid atta ḵuḵuwan amana, ippun nisabaliyana si musassu taḵon ay nu siya sinḵuwa'tta losane binaḵnang amana.

John 17:24

“Ama, pioḵe da innatodnu ḵan saḵon awadda ḵan saḵon atte dinumane igawḵu ta ilanda ḵinaapudyusḵu we innatodnu te inayatnu saḵon atte daan ni lubung maḵwaan.

John 1:29

Mabigat ḵad, innilan John aḵ Jesus we annate umali woḵ ḵanana, “Ilanyu! Annaya Karneron Apudyus we innatodna'ḵ midatun ta angaan atta basuḻ da tagu'tte lubung.

Matthew 13:39

Ḵad sa ḵabusuḻe nangiwagawag si sabsabug, siya'ḵ Satan. Sa iyyaani siya anungus ni timpu ḵad da anghel an-ani.

Matthew 13:40

Sa maḵwa si sabsabuge dinagup da sammilu ta masgob, ḵatti bos maḵwa si anungus ni timpu.

1 Peter 4:7

Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.

1 John 3:8

Ḵad sa pagapagatupanae bumasubasuḻ, nidoga ḵan Satan te aḵ Satan ḵad bummasuḻ inggan ni laplapu. Pun siya gapun ni ummaliyan ni Abeng Apudyus sina'd luta ta dadailona da ḵoon Satan.