Hebrews 9:10 - Sa Ugud Apudyus

¹⁰ Yaḵon da annae tuttudu abuse mipanggob atta maḵan, mainum ya da kalasin da inon taḵu we amapoḻḵas si long-ag. Losan atta anna ḵasapuḻane mituttuwada inggana'ḵ dumatong timpu we baliwan Apudyus da losan.

Hebrews 9:10 Referans Kwoze

Colossians 2:16

Pun adiyu oḵyan tuttuwaon da anguwis ḵan diḵayu we ḵanandae ḵasapuḻane unudonyu da aduadu we lintogda mipanggob atta maḵan, mainum, gayagaya, sumaaḻan soḻag baḵon nu umillongan da Judyu we miyadi anḵewaaḻ.

Ephesians 2:15

Te natoy ḵad atte kros, ḵinaanna da ḵasapuḻane maunud atte lintog Moses we adu nigili ye biline para'tta Judyu. Pun sa ambanagan ni ḵingwana'tta duwae grupu we da Judyu ḵan Gentil an-ossaanda mipagapu'tte nangipaḻ-ogana si allin-awaanda.

Hebrews 7:16

Nambalin aḵ padi mipagapu si ḵabooḻan ni biyage ippun patinggana, daḵampun aḵ gapu'tte lintoge mipanggob atte ḵapuun.

Hebrews 10:22

Umadani taḵu ḵan Apudyus we sipupusu ya antaḻgod pammati taḵu ḵan siya, ḵad pummoḻḵas da somsomoḵ taḵu'tta lawweng te isun di nawaḻsiyan taḵu si daḻan Kristu ya nadaḻusan da long-ag taḵu si an-imlonge danum.

Hebrews 9:1

Sa ummunae tuḻag Apudyus, awad da tuttudu mipanggob si ustu we inondae andaydayaw ḵan siya. Ḵad awad os tuldae ḵingwada sina'd lutae andaydayawanda ḵan siya.

Hebrews 2:5

Daḵampun atta anghel pinilin Apudyus aḵ angipangat si baru we antatagun da tagu we imbagabagani yaḵon sa tagu.

Hebrews 13:9

Pun ilanyu ta adi ḵayu paallelaw atta sabali ya da tinutuli ye tuttudu. Te sa ḵinabaḻun Apudyus amapigsa si somsomoḵ taḵu, daḵampun si angunudan taḵu'tta bilin mipanggob atta maḵan. Te da angunud atta sana naippun maganabda.

Hebrews 6:2

Adiyupun ḵasapuḻan da mapagapagatupane tuttudu mipanggob si bonyag ya sa angipatayan atte ima ya sa ḵasine umuliyan da natoy ḵan annanayune anguwisan Apudyus atta losane tagu.

Ephesians 1:10

Annaya planuna: Nu magangput losan da ḵasapuḻane maḵwa ya dumatong ustu we timpu, uḻnusona da losane anna'd langit ya sina'd luta ya paipangatna dida ḵan Kristu.

Galatians 4:9

Yaḵon sinsana inigammuyu'ḵ Apudyus baḵon nu inigammuna diḵayu, ngaipayu bos ḵasin sanguwon da ug-ugalin da tagu si annae lubunge inunudyu? Adiyupun ḵamman igammu we naippun ḵabooḻandae anagu ḵan diḵayu ya naippun ittonda'ḵ bindisyun? Ngaipayu bos pione anserbi ḵasin ḵan didae isun di musassu?

Mark 7:4

Ḵad nu maḻpuda'tte nginginnaan, adidapun angan nu adida umuna ambuḻu. Adu bos da udume ugali ye tinawidda'tta danaḵḵoḻda, isun da ugalida si ḵiwasanda da tasa, da ḵaḵappiyan ya da ḵanting.

Hebrews 7:12

Te nu mapasantan ḵinapadina, ḵasapuḻane mapasantane ustu lintog.