Hebrews 7:16 - Sa Ugud Apudyus

¹⁶ Nambalin aḵ padi mipagapu si ḵabooḻan ni biyage ippun patinggana, daḵampun aḵ gapu'tte lintoge mipanggob atte ḵapuun.

Hebrews 7:16 Referans Kwoze

Colossians 2:20

Nu naḵaḵatoy ḵayu ḵan Kristu, napuḵayan ḵayu'tta biline ḵingwan da tagu sina'd luta. Pun ngaipa sissiyae unudonyu da ug-ugalin da tagu si annae lubung mipanggob atta lawwenge ispiritu? Ḵad ngaipayu tuttuwaon da bilindae isun da anna:

Revelation 1:18

ya saḵon matattagu. Natoyaḵ yaḵon ilam ḵad saḵon, matataguwaḵ aḵ inggana. Saḵon os asi ḵigad atte ḵatoy ya anna ḵan saḵon tuḻbiḵe amuḵat ad Hades we igaw da natoy.

Hebrews 10:1

Sa Lintog ḵad Moses aniniwan da ambaḻu we banage dumatong, daḵampun aḵ tuttuwae ḵais-isun da annae ḵatuttuwaan. Pun taḵon ay tinawone pagapagatupan da andaydayaw ḵan Apudyus we angidatun si imbilin ni lintog, adipun maḵwae ambalin da tagu'ḵ ippun angkuranganda mipagapu'tta datun.

Hebrews 7:28

Te sa lintog Moses, awad da tagu we madutuḵan aḵ ḵangatuwane padi, taḵon ay nu anḵuyada. Yaḵon mipagapu si inkarin Apudyus we umun-unud nu sa lintog, dinutuḵana Abengna we ḵangatuwane padi ye ippun basuḻna'ḵ inggainggana.

Hebrews 7:3

Naippun nigili si mipanggob ḵan amana ya aḵ inana ya taḵon ay da danaḵḵoḻna. Ḵad naippun os nigili si niyanaḵana ya sa natoyana. Mipani'ḵ Melchizedek si Abeng Apudyus we sumisissiyae padi'ḵ inggana.

Colossians 2:14

Ḵaḵna ḵingwan Apudyus. Ḵinaanna listaan da basuḻ taḵu gapu'tte nilisalis taḵu bilin Moses woḵ impattoḻna'tte kros. Sa piona ḵanan, mipagapu'tte natoyan Jesus atte kros, ḵinaanna da basuḻ taḵu. Pun naippun ogon lasunnae anusa ḵan ditaḵu.

Galatians 4:9

Yaḵon sinsana inigammuyu'ḵ Apudyus baḵon nu inigammuna diḵayu, ngaipayu bos ḵasin sanguwon da ug-ugalin da tagu si annae lubunge inunudyu? Adiyupun ḵamman igammu we naippun ḵabooḻandae anagu ḵan diḵayu ya naippun ittonda'ḵ bindisyun? Ngaipayu bos pione anserbi ḵasin ḵan didae isun di musassu?

Galatians 4:3

Ḵatti naḵwa ḵan ditaḵu, sa timpu we isu taḵun abeng te daantaḵupun yan maawatan tuttuwae mituttudu, nammusassuwon ditaḵu gapu'tta ug-ugali mipanggob atta lawwenge ispiritu si annae lubung.

Hebrews 7:21

Yaḵon nambalin ḵad aḵ Jesus aḵ padi, inkarin Apudyus ḵan siya ḵanane, “Saḵon Apu, ikariḵe siḵa padi'ḵ inggana. Ḵad ippun paat ambaliwan ni somsomoḵḵu.”

Hebrews 7:17

Te sa nigili ye Ugud Apudyus, ḵanana, “Padiḵa'ḵ ingganae isun ni ḵinapadin Melchizedek.”

Romans 7:14

Igammu taḵu we sa lintog naispirituwan. Yaḵon taguwaḵe abus, ninginae isun di musassun ni basuḻ.

Hebrews 7:15

Pun napanoḵnoḵane sa ḵinapadin Levi ya sa lintoge inunudda napasantan te ummali sabali ye padi ye isun Melchizedek.

Hebrews 9:14

Sindumallu we pummoḻḵas taḵu si daḻan Kristu si nangidatunana si long-agna mipagapu'tte annanayune Ispiritu Santu. Ippun basuḻna ya mipagapu'tte natoyana pummoḻḵas somsomoḵ taḵu'tta ippun anunae ḵoon taḵu ta anserbi taḵu si matattagu we Apudyus.