Hebrews 7:11 - Sa Ugud Apudyus

¹¹ Ḵad igammu taḵu we innatod Apudyus lintog atta ganaḵ Israel we nibatay atte nandutuḵana'tta ganaḵ Levi we papadi. Sa ḵinapadin Levi adinapun lamoge angwa si tagu'ḵ maun-unan, ḵasapuḻane awad osa'ḵ padi ye umali ye isun ni ḵinapadin Melchizedek, we daḵampun aḵ isun ni ḵinapadin Aaron we ganaḵ Levi.

Hebrews 7:11 Referans Kwoze

Hebrews 8:7

Te nu ippun angkurangan ni ummunae tuḻag Apudyus, adipun oḵyan masapuḻ ḵumagwae tuḻag.

Galatians 2:21

Adiḵpun idiyan ḵinabaḻun Apudyus. Nu maun-unan tagu si sinagung Apudyus gapu'tte anuttuwaana'tte lintog, naippun ain anun ni natoyan Kristu!

Hebrews 7:21

Yaḵon nambalin ḵad aḵ Jesus aḵ padi, inkarin Apudyus ḵan siya ḵanane, “Saḵon Apu, ikariḵe siḵa padi'ḵ inggana. Ḵad ippun paat ambaliwan ni somsomoḵḵu.”

Hebrews 7:15

Pun napanoḵnoḵane sa ḵinapadin Levi ya sa lintoge inunudda napasantan te ummali sabali ye padi ye isun Melchizedek.

Hebrews 5:6

Awad os nigili ye Ugud Apudyus we ḵanana, “Padiḵae ippun anungusnae isun ni ḵinapadin Melchizedek.”

Galatians 4:9

Yaḵon sinsana inigammuyu'ḵ Apudyus baḵon nu inigammuna diḵayu, ngaipayu bos ḵasin sanguwon da ug-ugalin da tagu si annae lubunge inunudyu? Adiyupun ḵamman igammu we naippun ḵabooḻandae anagu ḵan diḵayu ya naippun ittonda'ḵ bindisyun? Ngaipayu bos pione anserbi ḵasin ḵan didae isun di musassu?

Hebrews 6:20

Ummuna'ḵ Jesus nillumnoḵ si igaw Apudyus we para ḵan ditaḵu. Siya nambalin ḵangatuwane padi taḵu'ḵ ingganae isun ni ḵinapadin Melchizedek.

Hebrews 5:10

Siya dinutuḵan Apudyus aḵ ḵangatuwane padi ye isun ni ḵinapadin Melchizedek.

Galatians 4:3

Ḵatti naḵwa ḵan ditaḵu, sa timpu we isu taḵun abeng te daantaḵupun yan maawatan tuttuwae mituttudu, nammusassuwon ditaḵu gapu'tta ug-ugali mipanggob atta lawwenge ispiritu si annae lubung.

Hebrews 7:10

Te daampun miyanaḵ aḵ Levi si nangabotan Melchizedek ḵan Abraham, mibelange awad si long-ag apunae Abraham.

Hebrews 7:12

Te nu mapasantan ḵinapadina, ḵasapuḻane mapasantane ustu lintog.

Hebrews 7:13

Aḵ Apu taḵu siya nigili mipanggob si padi ye isun ni ḵinapadin Melchizedek. Yaḵon aḵ Jesus daḵampun aḵ naḻpu'tta ganaḵ Levi nu adi naḻpu'tta ganaḵ da nansabasabali ye abeng Israel ḵad adidapun paat nanserbi ye isun di padi si altar.

Hebrews 9:6

Nu nauḻnus da awad atte tulda, inaḻgawe lumnoḵ da papadi si umunae kuwartu ta ḵoonda da biyangda.