Hebrews 6:4 - Sa Ugud Apudyus

^4-5 Te da tagu we nan-awidanda da pammatida, adipun ogon maḵwae ambabawida'tta basuḻda ya agaydae angwa ta ḵasinda bos amati ḵan Apudyus. Te nalawlawagan da somsomoḵda, napadasanda amode nainlangitane atod Apudyus ya inawatda Ispiritu Santu. Ḵad napadasanda ḵinabaḻun ni Ugud Apudyus ḵan giniḵnada ḵabooḻane mipaila si umali ye timpu.

Hebrews 6:4 Referans Kwoze

Matthew 5:13

Pun pinagatupan Jesus we nantuttudu woḵ ḵanana, “Diḵayu isun di asine ḵasapuḻan si bumaḻuwan da losane tagu'd luta. Yaḵon nu ippun ogon tamtam ni asin, ngai inonae mipauli tamtamna ḵasin? Naippun ogon anuna ḵad miballu ya gusgusdan da tagu.

John 15:6

Ngaimane adipun iinggaw ḵan saḵon, isuna pangae miballu ya maḻangu. Mauppun da panga ḵad miballuda'tte apuy ya masgobda.

Ephesians 2:8

Gapu'tte ḵinabaḻun Apudyus natagu taḵu mipagapu si pammati taḵu ḵan Kristu. Daḵampun atta ḵingwa taḵu yaḵon sa atod Apudyus.

John 3:27

Summongbat aḵ John woḵ ḵanana, “Naippun tagu'ḵ awad awatona nu adi abus maatod ḵan siyae maḻpu ḵan Apudyus.

Hebrews 10:32

Yaḵon iḵagasmoḵyu ḵasasaadyu'tte ḵesane timpu si nasilawan da somsomoḵyu'tte ḵatuttuwaan mipanggob ḵan Kristu, inaattomanyu ummamdane nampaḵaḻamanyu yaḵon adiyupun iyyunude paḵḵog ḵayu.

Matthew 12:45

Ḵad umoyna ayagan da pitu we aḻane daldallu lawwengda nu siya ta miḵamboḻoyda. Ḵad amo ḵaddagu sadi ye tagu nu sa damu. Ḵaḵna maḵwa'tta tagu si sanae lunap.”

Galatians 3:2

Imusoḵ ud anna ḵan diḵayu: Inawatyu ḵamman Ispiritu Santu gapu si nanuttuwaanyu si lintog baḵon nu sa nangngoḻanyu ya namatiyanyu si Ambaḻu we Damag?

2 Timothy 2:25

ya ḵasapuḻane ummanae antuttudu'tta sumullagi si tuttuwae tuttudu ta ittan Apudyus dida'ḵ wayadae ambabawi'tta basuḻda ya agaydae angwa ya igammuwonda ḵatuttuwaan.

1 John 5:16

Nu awad osa'ḵ angila si sunudna ḵan Kristu we maḵabasuḻ, iluwaḻuna oḵyan ta itton Apudyus ḵan siya biyag aḵ inggana. Sa pioḵ ibaga, iluwaḻuwan taḵu tagu amod ay nu daḵampun aḵ ambanag si ḵatoy naḵabasuḻana. Te awad de basuḻe ambanag si ḵatoy yaḵon daḵampun aḵ ḵanaḵe iluwaḻuwan taḵu oḵyan.

Hebrews 2:4

Ḵad aḵ Apudyus we mismu pinanoḵnoḵana si tuttudunae tuttuwa gapu si nangittana si sinyal ni ḵabooḻana ya da nansabasabali ye miraculu. Ḵad innatodna'tta namati ḵabooḻane iwaḻas ni Ispiritu Santu sigun atte piniona.

1 Timothy 4:14

Adim baybay-an ḵabooḻame innatod ni Ispiritu Santu atte nangipatayan da angipangpangu'tta namati'tta imadae nangiluwaḻu ḵan siḵa ya sa nangibag-an da profeta we an-uuggudon Apudyus mipanggob atte ḵabooḻam.

Acts 11:17

Pun nu innatod Apudyus Ispiritu Santu atta Gentil we isun ni innatodna ḵan ditaḵu si namatiyan taḵu ḵan Apu Jesu Kristu, ngaiyaḵ ḵammane anullagi ḵan Apudyus?”

Ephesians 4:7

Yaḵon impailan Apudyus ḵinabaḻuna si nangittana si sin-ossaossa ḵan ditaḵu'tta kalasin di ḵabooḻan sigun si simsimmoḵ Kristu we itton.

Ephesians 3:7

Impailan Apudyus ḵinabaḻuna ḵan saḵon te mipagapu'tte ḵabooḻana intaḻgodna ḵan saḵon ampatoge ḵewaaḻe angiwaḻagawag atte Ambaḻu we Damag.

Acts 10:45

Nataag da namati ye Judyu we nibuḻun ḵan Peter te taḵon ay da Gentil naatod Ispiritu Santu ḵan dida.

Acts 8:20

Yaḵon ḵanan Peter ḵan siya, “Midoga oḵyan ḵan siḵa sanate pilaḵnu masgob ad infiernu te ḵanampun nu maḵwae mangin-an atod Apudyus si pilaḵ!

John 6:32

Ḵanan Jesus ḵan dida, “Ibagaḵ ḵan diḵayu ḵatuttuwaan, daḵampun ḵan Moses nangitod ḵan dida'tte maḵane naḻpu'd langit. Yaḵon aḵ Amaḵ nangitod ya siya angitod ḵan diḵayu'tte tuttuwae maḵane maḻpu'd langit.

Galatians 3:5

Imusoḵ ḵasin ḵan diḵayu, innatod ḵamman Apudyus Ispiritu Santu ya sa angwaana'tta nakaskasdaaw ḵan diḵayu te tinuttuwayu lintog baḵon nu gapu si andongoḻanyu ya amatiyanyu si Ambaḻu we Damag?

Acts 15:8

Aḵ Apudyus we angigammu si awad atte somsomoḵ da tagu, impailanae inawatna da Gentil we namati si nangattana'tte Ispiritu Santu ḵan didae isun ni nangattana ḵan ditaḵu.

John 4:10

Ḵanan Jesus, “Nu inigammum atod Apudyus ya inigammum nu ngaiyaḵe anḵodaw atte danum, siḵa oḵyan anḵodaw ta ittaḵ siḵa si danume angitod si biyag.”

2 Timothy 4:14

Aḵ Alexander ḵade ambobosaḻ, adu da ḵingwana ḵan saḵone lawweng yaḵon aḵ Apudyus asi ḵigade anusa ḵan siya'tta ḵingḵingwana.

Romans 1:11

Te pioḵ pagaye ilaḵ diḵayu ta maḵabillayaḵ ḵan diḵayu si bindisyune naḻpu si Ispiritu Santu ta pumigsa pammatiyu.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

2 Corinthians 4:6

Te aḵ Apudyus nangibaga ḵanane, “Awad oḵyan padda” ta papaddaona anggiḵbot. Siya bos amapadda'tte somsomoḵni ta igammuwonni dayaw ḵan ḵabooḻan Apudyus we maila ḵan Kristu.

Ephesians 1:18

Ḵodawoḵ ose silawan Apudyus da somsomoḵyu ta igammuwonyu namnamaon taḵu gapu si namiliyana ḵan ditaḵu ya maawatanyu ḵaadu ḵan ḵinabaḻun ni bindisyune inkarina'tta tagun Apudyus.