Hebrews 3:14 - Sa Ugud Apudyus

¹⁴ Te buḻun taḵu'ḵ Kristu nu gogomgoman taḵu pammati taḵu si inggan ni namatiyan taḵu inggana si anungus ni timpu.

Hebrews 3:14 Referans Kwoze

Hebrews 3:6

Yaḵon aḵ Jesu Kristu, mataḻgodane Abeng we angayyuwan atta tagun Apudyus. Ḵad ditaḵu da tagun Apudyus nu pagatupan taḵu tuḻod taḵu ḵan sissiyae antaḻgod taḵu si namnama taḵu ḵan Kristu.

Hebrews 6:11

Ḵad sa pionni, sin-ossaossa ḵan diḵayu ipapatiyu pagatupan namnamayu ta laḵ-amonyu'ḵ inggana si anungusna.

1 Peter 4:13

Yaḵon allaylayad ḵayu oḵyan nu ampaḵaḻam ḵayu we isun ni ampaḵaḻaman Kristu ta amod de layadyu si mipail-an ni sumilisilinge ḵinaapudyusna.

Hebrews 12:10

Te da aamma taḵu sina'd luta, dinisiplinaanda ditaḵu si sin-aḵitan para'tte simsimmoḵdae ambaḻu. Yaḵon aḵ Apudyus, disiplinaona ditaḵu para'tta bumaḻuwan taḵu ta bumaḻu da ugali taḵu we miyisu ḵan siya.

Hebrews 6:4

Te da tagu we nan-awidanda da pammatida, adipun ogon maḵwae ambabawida'tta basuḻda ya agaydae angwa ta ḵasinda bos amati ḵan Apudyus. Te nalawlawagan da somsomoḵda, napadasanda amode nainlangitane atod Apudyus ya inawatda Ispiritu Santu. Ḵad napadasanda ḵinabaḻun ni Ugud Apudyus ḵan giniḵnada ḵabooḻane mipaila si umali ye timpu.

Ephesians 3:6

Annaya impaigammunae planuna. Gapu si namatiyanyu si Ambaḻu we Damag, nibelang ḵayu we Gentil aḵ abeng Apudyus we miyisu ḵan diḵani ye Judyu ya nibelang ḵayu bos atta losane namati aḵ ḵamangay ni long-ag Kristu. Maḵabillay ḵayu bos si inkarin Apudyus we ittona'tta losane niyossaan ḵan Jesu Kristu.

Hebrews 3:1

Pun susunudḵu ḵan Kristu we da tagun Apudyus we da pinilinae midoga ḵan siya'd langit, sosomḵon taḵu we aḵ Jesus imbuun Apudyus ḵan ditaḵu ya siya ḵangatuwane padi taḵu sigun si pinati taḵu.

Romans 11:17

Da Judyu mipanida'tte ḵayu we olive we immuḻan Apudyus. Yaḵon simpaḵ Apudyus da udume pangana. Diḵayu we Gentil, mipani ḵayu'tta pangan ni ḵayu we olive we naippun nangimuḻa. Sa ḵingwan Apudyus, impasanina diḵayu'tta pangan ni ḵayu we immuḻana. Ḵad sinsana, midoga ḵayu maḵabillay atte lutae naḻpu'tte lamut ni sadi ye ḵayu we olive.

1 Corinthians 10:17

Ḵad gapu'tte ossaane tinapaye ḵanon taḵu, isu taḵun ossaane long-ag taḵon ay nu adu taḵu.

1 John 1:3

Da sanae innilani ya da dingngoḻni, siya sanae iwaḻagawagni ḵan diḵayu ta midoga ḵayu'tte maḵabuḻbuḻunanni ḵan Apudyus we Ama taḵu ya aḵ Jesu Kristu we Abengna.

1 Corinthians 1:30

Yaḵon aḵ Apudyus naḻpuwan ni biyag taḵu mipagapu'tte niyossaanan taḵu ḵan Jesu Kristu we naḻpuwan ni ḵinalaing. Ḵad gapu ḵan siya, naun-unan taḵu ya mitotoḵḵon taḵu'ḵ taguna ta bumaḻu ugali taḵu ya masubut taḵu'tta dusan da basuḻ taḵu.

1 Peter 5:1

Awad de pioḵ ibaga ḵan diḵayu we angipangpangu'tta namati te osaaḵ ose angipangpangu. Osaaḵ ose nangila si nampaḵaḻaman Kristu ya midogaaḵ si ḵabaḻuwane antatagu ḵan Apudyus ad langit si umali ye aḻgaw.

1 Timothy 6:2

Ḵad da musassu we namati da ap-apuda, ḵasapuḻane adida oḵyan ḵanane gapu ta ansusunudda ḵan Kristu, sinnamaḻna nu adidapun patgane ustu. Yaḵon ḵasapuḻane amo anserbida ḵan dida te da angapit ḵad si ḵewaaḻda da namati ya da angay-ayat ḵan dida. Ituttudum ḵan iwaḻagawagnu da anna.

1 Corinthians 9:23

Ḵooḵ losan da sana gapu'tte Ambaḻu we Damag ḵad maḵabillayaḵ atta bindisyune itton Apudyus ḵan dida.

Romans 11:22

Sadi angil-an taḵu si ḵinabaḻun Apudyus ḵan andudusana. Yaḵon dallu andudusana'tta nan-awid ḵan siya. Yaḵon amod de ḵinabaḻuna ḵan ditaḵu nu pagapagatupan taḵu da pammati taḵu ya adi taḵu an-awidan ḵinabaḻuna. Te nu an-awidan taḵu, sopaḵona ditaḵu.

Hebrews 11:1

Ngai pammati nu? Sa pammati ḵad aaddi ye mituttuwa da namnamaon taḵu ḵad antaḻgod taḵu we awad da banage aditaḵupun ilan.