Hebrews 13:3 - Sa Ugud Apudyus

³ Iḵagasmoḵyu da awad si babaḻḻudane isun di nidoga ḵayu ḵan dida ya da mapaḵaḻame isun di midoga ḵayu ampaḵaḻam ḵan dida.

Hebrews 13:3 Referans Kwoze

Matthew 25:36

Naippun os silupḵu woḵ sinilupanyu saḵon. Nasaḵitaḵ os woḵ inayyuwananyu saḵon. Nabaḻudaḵ ḵad os, ummoyyu saḵon binisita ta bumadang ḵayu.’

Hebrews 10:34

Te ḵinadaguwanyu da buḻunyu we nibabaḻud. Ḵad taḵon ay nu sinamsamda da ḵuḵuwayu, inan-anusanyu ginangganas te mismu we igammuyu we awad de nabaḻbaḻu ya annanayune ḵuḵuwayu'd langit.

Romans 12:15

Maḵalaylayad ḵayu'tta allaylayad ya maḵadomdom ḵayu'tta andomdom.

1 Corinthians 12:26

Pun nu awad ansigab si osae ḵamangay ni long-ag, giḵnaon da losane ḵamangay ni long-ag. Ḵad nu madayaw osa, maḵalaylayad da losan.

Colossians 4:18

Saḵon aḵ Paul we nangigili ye mismu si annae anungus ni annae suḻat. Kumusta ḵayu ya adiyu ḵappos saḵon maliwatane annaaḵ si babaḻḻudan. Awad oḵyan ḵan diḵayu ḵinabaḻu we maḻpu ḵan Apudyus.

1 Peter 3:8

Annaya mungimung ni ibagabagaḵ. Ḵasapuḻane an-os-ossaan ḵayu losan atte somsomoḵ ḵan maḵagiḵna ḵayu'tta buḻunyu. An-asiayat ḵayu we isun di mismu we ansusunud, an-asiḵadagu ḵayu ya ipakumbabayu da long-agyu.

Matthew 25:43

Mangiliyaḵ yaḵon adiyupun saḵon minangili. Naippun os silupḵu yaḵon adiyupun saḵon sinilupan. Nasaḵitaḵ ya nibaḻudaḵ yaḵon adiyupun saḵon ummoy binisita.’

Acts 24:23

Pun binilinna kapitan ta paguwaḻdana'ḵ Paul yaḵon wayaanda oḵyan aḵ aḵit ya iyunuddae umoy da buḻbuḻunna angiyoy atta ḵasapuḻana.

Ephesians 4:1

Pun ḵan saḵone nibabaḻud gapu si anserbiyaḵ ḵan Apu, ḵodawoḵ ud ḵan diḵayu ta ibagayyu antataguyu si planun Apudyus we namili ḵan ditaḵu'ḵ taguna.

Acts 27:3

Mabigat ḵad, nansadang ḵani'd Sidon. Pun ḵinadaguwan kapitan Julius aḵ Paul woḵ iyyunudnae umoy atta boḻoy da buḻbuḻunna ta ittanda'tta ḵasapuḻana.

Hebrews 11:37

Nabatubatu da udum inggana'ḵ natoyda, nalagadi da udume nanḵagwada. Natoy da udum si ispada. Nansilupda'tta ḵublit da karnero ḵan kalding. Ḵapusda, nampaḵapaḵaḻamda ya naam-amesda.