Hebrews 13:21 - Sa Ugud Apudyus

²¹ Oḵyan pos ta ittona da ambaḻu we ḵasapuḻanyu ta ḵoonyu da piniona ya ḵoona ḵan ditaḵu da mas-omana mipagapu ḵan Jesu Kristu. Ḵad siya madaydayaw aḵ inggainggana. Amen.

Hebrews 13:21 Referans Kwoze

Philippians 2:13

Te aḵ Apudyus, patilayune anna ḵan diḵayu ta siya ḵoonyu da mas-omana ḵad ittona ḵabooḻan ḵan diḵayu we tumuttuwa.

2 Thessalonians 2:17

dida oḵyan patilayune alliwliwa'tta somsomoḵyu ya badanganda diḵayu ta pasige ambaḻu da ḵoonyu ḵan ibagayu.

Philippians 4:13

Gapu'tte miyossaanaḵ ḵan Kristu we siya amapigsa ḵan saḵon, lamogḵu ḵoon da losan.

1 Peter 2:5

Gapu si umadaniyanyu ḵan Jesu Kristu, mipani ḵayu bos si matattagu we batu we mausar si antaḵadan atte boḻoye ḵuwan Apudyus aḵ anserbiyanyu we papadi ye nitotoḵḵon para ḵan siya ya idatunyu da datun para ḵan siyae abuse mas-omana mipagapu ḵan Jesu Kristu.

2 Timothy 4:18

Ḵad igammuḵe saḻaḵnibanaḵ ḵan Apu atta losane lawweng ya taguwona saḵon ad langit si ampangatana. Madaydayaw oḵyan aḵ Apudyus aḵ inggana. Amen.

Philippians 1:11

Gapu ḵan Jesu Kristu, adu da naun-unane banage ḵoonyu. Te nu ḵatti, dayawon da tagu'ḵ Apudyus ya bigbigonda ḵinabaḻuna.

2 Corinthians 9:8

Ḵad ḵabooḻan Apudyus we amindisyun ḵan diḵayu'ḵ amod ta pasige wadawad da ḵasapuḻanyu ya awad adu'ḵ ibadangyu'tta anḵasapuḻ.

1 Peter 4:2

Pun inggana si matoyana, adinapun ogon unudon da pipion ni long-agna yaḵon sa pinion Apudyus.

Hebrews 10:36

Ḵasapuḻane anusanyu we angwa'tta pinion Apudyus, ḵad awatonyu inkarina.

1 Thessalonians 5:23

Papoḻḵapoḻḵason oḵyan Apudyus we puun ni lin-awa da biyagyu. Ḵad ayyuwanana oḵyan da somsomoḵyu, da ḵalidodwayu ya da long-agyu ta naippun mipabasuḻ ḵan diḵayu'tte umaliyan Apu Jesu Kristu.

1 John 2:17

Ḵad da tagu we adipun amati ya da losane amaamayonda ampatinggada yaḵon da angwa'tta pinion Apudyus, anna ḵan dida biyag aḵ inggana.

1 Timothy 1:17

Pun siya Ari aḵ inggainggana, adipun matoy, adipun maila, abus aḵ Apudyus. Siya ipatpatog taḵu ḵan daydayawon taḵu'ḵ inggainggana. Amen.

Ephesians 2:10

Te planun Apudyus we pabaruwon da biyag taḵu mipagapu si niyossaanan taḵu ḵan Jesu Kristu ta siya oḵyan ḵoon taḵu da ambaḻu we implanuna si awe ye ḵoon taḵu.

Revelation 5:9

Ḵanandae angiḵanḵanta'tta baru we ḵanta, “Siḵa ḵallabbong angaḻa si naḻuḵube ḵopel ya alloḵta'tte maḻḵa. Te napatoyḵa woḵ sa daḻam nanubutnu'tta tagu ta ambalindae tagun Apudyus. Ḵad maḻpuda'tta losane ili ya da losane tribu ya da tagu we nansabasabali gingada ḵan naḻpuwanda.

1 John 3:22

Ḵad da ngaimane ḵodawon taḵu ḵan siya, ittona gapu'tte anuttuwaan taḵu'tta bilinna ya sa angwaan taḵu'tta mas-omana.

Hebrews 13:16

Adi taḵu maliwatane angwa'tta ambaḻu ya allaay taḵu we angitod atta anḵasapuḻ te ḵatti datune mas-oman Apudyus.

1 Timothy 6:16

Ḵad adipun paat matoy ya ippun tagu'ḵ maḵaadani ḵan siya te ummamdan silingna. Naippun paat tagu'ḵ nangila baḵon nu maḵaila ḵan siya. Madaydayaw oḵyan ya siya ampangat aḵ inggainggana. Amen.

1 Timothy 5:10

Ḵasapuḻan ose da ambaḻu we ḵingwada, nan-asidongoḻ inondae namadaḵoḻ atta abengda, ḵamamangilida ḵan impakumbabada da long-agdae nanserbi'tta tagun Apudyus, binadanganda da ampaḵaḻame tagu ya pummangogdae angwa'tta ngaimane ambaḻu.

1 Thessalonians 3:13

Papigsaon oḵyan Apu Jesus da somsomoḵyu ta naippun angkuranganyu ya bumaḻu da ugaliyu si antotollong Apudyus we Ama taḵu si umaliyan Jesus we Apu taḵu we midoga da losane taguna.

Colossians 4:12

Aḵ Epaphras ḵad, osae kagrupuwanyu we angipapuute anserbi ḵan Jesu Kristu, pakumustaona bos diḵayu ya ipapatina iluwaḻuwan diḵayu ta pumigsa da pammatiyu, ta adi ḵayu anduwaduwae angunud si pinion Apudyus.

Colossians 3:17

Ngaimane ḵoonyu ḵan ugudonyu, ḵoonyu mipagapu si ngadan Apu Jesus ḵad anggappiya ḵayu ḵan Apudyus we Ama mipagapu ḵan siya.

Philippians 4:18

Sinsadi masawasawaḻ da ḵasapuḻaḵ te inawatḵu ḵan Epaphroditus da losane indagasyu. Ḵad da sanae indagasyu, isunan ambangu we midatun ḵan Apudyus we mat-opana ḵan lumayadana.

Ephesians 2:18

Ḵad mipagapu ḵan Kristu, maḵwae umadani taḵu losan ḵan Apudyus we Ama taḵu te ossaan Ispiritu we iinggaw ḵan ditaḵu.

Matthew 28:20

Ḵad tuttuduwanyu dida ta tuttuwaonda da losane imbilinḵu ḵan diḵayu. Sosomḵonyu we patilayune annaaḵ ḵan diḵayu inggana'ḵ anungus ni timpu.”

Matthew 6:13

Ḵad adim iyunude masulisug ḵani, yaḵon iligsim diḵani si lawweng.’ ”

Revelation 5:13

Naabus ḵad, dingngoḻḵu imbagan da losane awad ad langit, ad luta ya ad daḻom atte lutae igaw da natoy ya sa baybay. Losan atta ḵingwan Apudyus, ḵananda, “Ḵan siyae tutuḵdu'tte trono ya sa Ubbu we Karnero, mabindisyunan, mapatgan, madaydayaw ya mabigbig ḵabooḻanda'ḵ inggainggana.”

Revelation 4:6

Sa sinagung os ni trono, inninggaw isunan baybaye sa ḵatollongana isun di ampoḻḵase samling ḵan kristal we sumelaselap. Sa adani si opate igid ni trono, inninggaw da opate matattagu we ḵingwanae sa long-agda, pasige ata sinagungda ya siya bos atta odogda.

Hebrews 12:23

Umadani ḵani'tta losane namati ḵan Apudyus we mibelang aḵ panguḻu we abengnae andatdatong. Da nigili da ngadanda'd langit. Ḵad umadani ḵani ḵan Apudyus we anguwis atta losane tagu ya umadani ḵani'tta ḵalidodwan da naun-unane natoye da nambalinona'ḵ ippun angkuranganda.

1 Thessalonians 4:3

Te sana pinion Apudyus, mitotoḵḵon ḵayu'ḵ taguna ta bumaḻu ugaliyu. Pun adi ḵayu angwa'tta ḵababbain ya da lawwenge ḵoḵoḵḵon.

Colossians 3:20

Diḵayu ḵade aabeng, ḵasapuḻane pasigyu tuttuwaon da amayu ḵan inayu te sana mas-oman Apu.

Philippians 2:11

Ḵananda losan, aḵ Jesu Kristu Apu. Ḵad sadi midaydayawan Apudyus we Ama.

Galatians 1:5

Madayaw aḵ Apudyus aḵ inggainggana. Amen.

Romans 11:36

Gapu ta siya nangwa'tta losan, naḵwa da losan mipagapu ḵan siya ya para'tte midayawana! Madayaw aḵ Apudyus aḵ inggainggana. Amen.

2 Peter 3:18

yaḵon pagatupanyu oḵyan padason amode ḵinabaḻun Jesu Kristu we Apu taḵu ya Anagu ḵan ditaḵu ḵad dogdog-anyu bos inigammuyu ḵan siya. Madaydayaw oḵyan aḵ Kristu sinsana ya aḵ inggainggana. Amen.

Romans 16:27

Madaydayaw aḵ Apudyus aḵ ingganae abus aḵ tuttuwae ḵalaingan mipagapu ḵan Jesu Kristu! Amen.

John 17:23

Awadaḵ ḵan dida ya awadḵa ḵan saḵon ya an-ossaandae ustuustu ta igammuwon da tagu we siḵa nangibuun ḵan saḵon ya ay-ayatom didae isun ni an-aayatnu ḵan saḵon.

John 7:17

Ngaimane pionae angwa'tta pinion Apudyus, igammuwona nu maḻpu ḵan Apudyus da tuttuduḵ baḵon nu maḻpu si mismu we ḵaḻabbongaḵ.

Matthew 21:31

Pun ḵanan Jesus, “Dinu'tta annae duwa nanuttuwa si pion amada?” Ḵananda, “Sa panguḻu.” Pun ḵanan Jesus ḵan dida, “Ibagaḵ ḵan diḵayu ḵatuttuwaan, sa ḵabasbassuḻane tagu we isun da andadagup atta bugis ya da puta, umun-unada nu diḵayu umoy si ampangatan Apudyus.

Matthew 7:21

Pinagatupan Jesus woḵ ḵanana, “Daḵampun aḵ losane angibaga ḵan saḵone ḵanana, ‘Apu, Apu,’ maḵaḻnoḵ si ampangatan Apudyus. Yaḵon da maḵaḻnoḵ, abus da angwa'tta pinion Amaḵ ad langit.

Matthew 12:50

Te ngaimane angwa si pinion Amaḵ ad langit, dida da mibelang aḵ inaḵ ḵan susunudḵu.”

2 Timothy 3:17

ta ippun angkurangan taḵu we anserbi ḵan Apudyus yaḵon naḵasagana taḵu we angwa'tta losane kalasin di ambaḻu.

Hebrews 12:28

Pun anggappiya taḵu ḵan Apudyus te midoga taḵu si ampangatanae adipun mayugayug. Ḵad dayawon taḵu'tte mas-omana ya patgan taḵu ḵan isipog taḵu.