Hebrews 12:5 - Sa Ugud Apudyus

⁵ Naliwatanyu ḵamman Ugud Apudyus we anoḻgag ḵan diḵayu we imbelangna'ḵ abengna? Ḵanana, “Abengḵu, andongoḻḵa nu disiplinaon Apu siḵa'tta maḵabasuḻam, adiḵa madismaya nu suppaḵana siḵa.

Hebrews 12:5 Referans Kwoze

Revelation 3:19

Suppaḵaḵ ḵan saplitaḵ da losane ay-ayatoḵ, pun ibabawiyu da basuḻyu ya agayyu we angwa ta unudonyu saḵone ustu.

1 Corinthians 11:32

Yaḵon nu dusaon Apudyus ditaḵu, madisiplina taḵu ta adi taḵu midoga si dusan da tagu we adipun amati.

James 1:12

Pian tagu we ampaḵaḻame angipapati angunud ḵan Apudyus te nu napanoḵnoḵane ampigsa pammatina, awatona gungunae inkarin Apudyus we sa biyag aḵ inggana'tta angayat ḵan siya.

Hebrews 12:7

Anusanyu da ampaḵaḻamanyu si anisiplinaan Apudyus ḵan diḵayu te sadi angigammuwanyu we ibelangna diḵayu'ḵ abengna. Te awad ḵamman abeng aḵ adimpun ni amana disiplinaon?

Luke 24:6

Naippun aḵ Jesus sina te tinagun Apudyus ḵasin. Naliwatanyu ḵamman imbagana ḵan diḵayu si inninggawanyu'tte probinsiya'd Galilee

Luke 24:8

Pun inḵagasmoḵda imbagan Jesus.

Galatians 6:9

Pun siya gapunae aditaḵu oḵyan mappoge angwa'tta ambaḻu te dumatong ustu we timpu we angittan Apudyus ḵan ditaḵu'tta gunguna nu adi taḵu mappoge anguuway.

1 Timothy 1:20

Ḵaḵna isun ni naḵwa ḵan da Hymenaeus ḵan Alexander we impuḻangḵu ḵan Satan ta adaḻondae adida an-ugud aḵ lawweng mipanggob ḵan Apudyus.

Hebrews 13:22

Susunudḵu ḵan Kristu, ḵodawoḵ ḵan diḵayu ta anusanyu dongngon da annae bagbagaḵe anoḻgag ḵan diḵayu te abobba annae suḻatḵu.